《森美旅行團》傳不和｜麥美恩輸遊戲硬食麵粉喪鬧垃圾 吳若希得戚：「可以同我絕交」

吳若希（Jinny）和麥美恩（Mayanne）昔日傳不和，有指Jinny恃住「星夢一姐」身份，出埠拍攝《森美旅行團》第二輯（2018年）時擺阿姐款，全程明恰拍檔Mayanne；到翌年拍攝第三輯時，兩人分享攬腰及頭貼頭合照，用行動粉碎不和傳聞。

今年Jinny開設個人YouTube頻道，找來friend咗嘅Mayanne做嘉賓，上月出街的影片獲得7萬幾點撃率，於是乎前者再添食，最新一條影片與Mayanne大玩常識問答比賽，答錯要受麵粉大懲罰！鏡頭前見佢哋玩到喪晒，變成由頭到腳皆是有顏色的麵粉的大花臉！

{{hket:inline-image name="06032015.jpg"}}{{/hket:inline-image}}

{{hket:inline-image name="06032009.jpg"}}{{/hket:inline-image}}

麥美恩心心眼出手幫飛機師補妝 麥大力急澄清：我仲係單身【下一頁】

Jinny日前在IG預告，上載她們的大花臉合照，留言表示：「麥美恩有一種魔力，令人在她面前可以完全放飛自我。在家玩麵粉這件事，可一不可再。搞咩咁激動？」麥美恩即搞事回覆話「大家都好靚」，並提議下次拖埋吳若希老公Alex一齊玩，Alex極快作出拒絕，回覆一句「唔好癲啦」。

Mayanne亦在自己IG發文，「True test of friendship #itslove #係愛啊 #真正友誼嘅考驗 #真係好誇張 #今次玩咁大」，昔日不和存在芥蒂？唔似囉！

{{hket:inline-image name="06032012.jpg"}}{{/hket:inline-image}}

{{hket:inline-image name="06032010.jpg"}}{{/hket:inline-image}}

慶祝囡囡生日│吳若希到訪農莊被Po相答謝光臨 留言促刪相 網友斥：好大官威【下一頁】

至於這次問答比賽，以考驗她們有幾了解對方作為序幕，例如有「Jinny幾時生日？」、「Mayanne邊一年參加港姐？」之後是一連串小學雞問題，「正常成人有幾多隻牙？」、「USB英文全寫係乜嘢？」及「《森美旅行團》喺邊一年拎『最佳非戲劇節目』獎」等。Mayanne全程爆發魔性笑聲，Jinny不時大鬧對方是「賤人」，Mayanne就反寸她人生最醜的一次是拍《森美旅行團》時的青花瓷造型。

比賽結果，作客的Mayanne要接受終極大懲罰，畀Jinny整到成頭麵粉！她忍不住大罵節目是「垃圾」，並搞笑叫大家「block咗呢個頻道啦！」

（↓點擊放大睇圖片↓）

吳若希之後在網上留言作總結：「上次Mayanne嚟踩場大獲好評，今次決定將行動升級，同佢玩小學雞常識問答比賽兼玩麵粉。希望玩完今次之後，Mayanne可以同我絕交，不過喺屋企麵粉大戰呢啲嘢，小朋友真係唔好學，不可一不可再……」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】