一山說電影│細龜爆星爺拍《破壞之王》勁躁底 吳孟達開聲𠱁唔掂 最終靠邊個呢？

細龜（黃一山）近年主力在內地發展，不時在微博分享昔日拍戲的所見所聞。今次他大爆跟星爺（周星馳）於1994年，合作拍攝《破壞之王》的秘聞，話星爺當年脾氣開始唔多好，導演李力持喺背後叫他做「巨星」，連好拍檔吳達孟開聲都𠱁唔嚟；不過只要女主角鍾麗緹在場，星爺愉快指數就會飊升。

{{hket:inline-image name="06031005.jpg"}}{{/hket:inline-image}}

{{hket:inline-image name="06031008.jpg"}}{{/hket:inline-image}}

【唐伯虎之偷天換日】細龜橫店開工遇香港演員開心聚頭 江南四大才子平均年齡半百歲【下一頁】

細龜在短片中表示：「今日想講嘅係我同星爺合作嘅最後一齣電影，就係1994年拍攝嘅《破壞之王》。話說拍呢部電影嗰陣，星爺心情唔係幾好，因為呢部戲係用星爺舊嘅片約嚟拍，當時星爺片酬真係好似海鮮價咁，每個月都唔同，但係呢部戲就係大都會電影公司出品，係TVB同邵氏合作組成嘅一個電影公司，於是就有星爺舊嘅片約。當時嘅片約、片酬究竟幾錢呢？咁可能係當時星爺市價嘅……舉例係十分一或五分一。咁你諗吓當時星爺片酬已經去到1000萬，攞100萬嘅片約嚟要你履行，當然畀我都覺得唔開心啦﹗」

細龜指星爺於1992年開始嘗試當導演，而《唐伯虎點秋香》是他真正導演的作品，「星爺試過做導演之後，發現原來可以掌控每一個環節，每一個工作人員，甚至可以拍自己鍾意嘅嘢，但《破壞之王》係由李力持做導演，星爺覺得可以做得更好，但因為佢唔係導演，於是脾氣就唔係咁好；加上當時開始有盜版出現，好多戲嘅票房大受打擊。星爺一路係香港喜劇之王，永遠站在最高峰，容忍唔到票房跌落嚟，所以壓力非常之大；亦都由呢部戲開始，佢經常會鬧人……」

細龜表示星爺對電影嘅要求太過執著同過高，最後搞到連李力持也不敢跟星爺對話，「本來大家喺電視台已經好老友，李力持後尾都驚被鬧，於是叫副導演去搵星爺，但佢唔係直接嗌星爺，係話『你搵巨星過嚟』。哈哈哈，即係連力持都開始怕咗星爺，叫佢做『巨星』！」

【星爺御用演員】黃一飛久違露面與細龜合體出騷 成功搣甩10幾磅身形依然脹爆？【下一頁】

細龜回憶當年星爺發脾氣是無人可阻，自己遇到這種情形時就躲到對方見不到的地方，「我哋唔忍心見到幕後工作人員（被鬧），有時都鬧得幾慘，就叫達哥（吳孟達）快啲過去同星爺講，因為佢哋係契仔契爺關係，出聲應該冇事。結果達哥入去同星爺講，（達哥）過咗2分鐘出嚟話『哎，冇辦法』；但係再過5分鐘呢，突然聽唔到鬧人聲，原來因為鍾麗緹嚟咗。星爺有個好可愛嘅地方，一見到靚女嗰時心情就好開心，於是我就同劇組講，不如我哋夾錢，就算嗰日冇鍾麗緹嘅通告，都夾錢請佢返嚟；只要鍾麗緹坐喺度，星爺嘅心情即刻好愉快！」

（↓點擊放大睇圖片↓）

現年56歲的細龜（黃一山），憑無綫節目《笑星救地球》（1990年）爆紅，之後轉戰電影圈發展，當中跟星爺合作過的電影，包括《逃學威龍》（1991年）、《唐伯虎點秋香》 （1993年）、《九品芝麻官》 （1994年）及《破壞之王》（1994年）等。細龜在微博留言：「《破壞之王》也都是一部非常經典的電影，這也是20多年來，我跟星爺合作的最後一部，真是充滿懷念。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】