今晚有牌打│羅家英認鵪鶉同阿姐講太后吉祥 曾為《國產淩淩漆》造型不滿周星馳

羅家英和楊玉梅昨晚獲邀到林文龍主理的AMM亞洲心動娛樂網台節目《今晚有牌打》，楊玉梅跟家英哥關係良好，直接稱呼家英哥為阿爸，她大爆見過家英哥跟太太汪明荃（阿姐）講電話時講「太后吉祥」，非常尊重另一半。家英哥直認非常鵪鶉，他說：「阿姐講嘢我唔敢出聲，唔敢駁嘴呀，但我講任何嘢佢都會反對，佢用佢角度去分析，你講嘅嘢係錯！」主持人林文龍和達哥指網上不少「老婆奴」指老婆做海關，經常入門時截查老公帶回家的遊戲機。

今晚有牌打│70歲黃文慧「奶奶」上身頻頻食糊 視劉德華為親生仔 最抗拒一種戲【下一頁】

{{hket:inline-image name="133681186_2451566865151641_9034557021682430427_n.jpg"}}{{/hket:inline-image}}

林文龍邀請到羅家英和楊玉梅上網台節目。(林文龍IG）

{{hket:inline-image name="132428239_729497267971956_8985215401876267288_n.jpg"}}{{/hket:inline-image}}

家英哥打牌都非常厲害。（AMM亞洲心動娛樂Facebook截圖）

{{hket:inline-image name="132954489_304670137637698_5858992490665297783_n.jpg"}}{{/hket:inline-image}}

林文龍同羅家英輪流食糊。（AMM亞洲心動娛樂Facebook截圖）

{{hket:inline-image name="119987404_220606822745831_1027194767841769183_n.jpg"}}{{/hket:inline-image}}

家英哥跟汪明荃結婚多年，一直非常恩愛。（汪明荃IG）

家英哥趁機會大呻，他說：「我好孤寒，好少買嘢，買親嘢返去都被人鬧。『你又買嘢返嚟？垃圾嚟呀啫，屋企咩都有，你仲拎咩返嚟？』佢有潔癖，紙袋、盒等等全部同我掉晒。(阿姐唔買嘢咩？）佢買又點同我買呢？」

羅家英的現身，不少網友都提到他在周星馳電影《國產零零漆》的達聞西、《西遊記第壹佰零壹回之月光寶盒》和《西遊記大結局之仙履奇緣》的唐三藏，家英哥今次打牌贏到的錢將會捐去東華三院，他更即場大唱《Only You》呼籲大家多多捐獻。提到「達聞西」，家英哥說：「起初我聽到同周星馳同李力持合作，兩個名好大、好巴閉，當日朝早10點就去元朗拍，等到5點幾先拍，我一心諗住做科學家，應該都係著西裝，點知著底衫、拖鞋同短褲，當時我真係一萬個唔係咁Like，唔係唔想做，係心諗『你哋到底搞乜嘢？』不過，當時啱啱出嚟拍電影無幾耐，五套戲以內，所以咪照做囉。講對白時我自己諗用粵劇台步出場，再講『力拔山兮氣蓋世』睇你周星馳點死，點知佢又用返我個腔讀下句『時不利兮騅不逝』，大家夾都冇夾過，佢真係好叻，出嚟觀眾都好鍾意。」

《今晚有牌打》鄧兆尊風騷自認「時間管理」達人 前三奶Claire被foul有重大過犯?【下一頁】

至於《西遊記》系列的唐三藏，家英哥唱《Only You》絕對是經典中的經典，不過楊玉梅大爆家英哥拒絕再演唐三藏，事前有幾位老闆想找他開戲拍《唐三藏傳》他都一一婉拒，家英哥解釋：「唔做，因為老咗，我演唐三藏時已經50歲，再演就60歲，唔睇得，因為唐僧好靚仔，國內大把靚仔，我亦未必做得返，所以唔做喇！」

楊玉梅首次爆跟周星馳之間的一個秘密，她自爆早於正式入行前做過特約演員，跟周星馳就合作過。當時劇情是演她路過，周星馳捉住一位女生就相認返舊女友，最終楊玉梅被選上，她說：「星爺好突發性，導演冇同我講，點知突然間咀我，錫完之後我好突然，因為劇情本身冇，導演冇講，佢自己加戲，事前都冇通知我。」

{{hket:inline-image name="stephen_chow_0414_1024.jpg"}}{{/hket:inline-image}}

家英哥唔再演唐僧原來係咁樣原因。（網上圖片）

{{hket:inline-image name="132643020_1055061354960592_5325325608312771157_n.jpg"}}{{/hket:inline-image}}

楊玉梅指未入行前做特約，周星馳竟然突然加戲親吻她。（AMM亞洲心動娛樂Facebook截圖）

責任編輯：楊安莉