信和7大範疇招人才 招聘日吸引3000求職者

疫情下百業蕭條，公關姊妹同黛安講，信和集團上星期六喺會展舉辦招聘日，提供約1,000個職位，邀請咗近3,000人參與，當中近半係應屆畢業生同申請實習生嘅後生仔，反應熱烈。

今次嘅職位空缺包括數碼化及創新科技、可持續發展及社會事務、地產發展、物業銷售及租務、物業及會所管理、酒店營運，以及培訓生和實習計劃7大範疇，當中最受歡迎嘅係可持續發展、社會事務同創新科技3方面嘅工作。集團聯席董事、人力資源總監廖懿妮，亦稱讚好多年輕人充滿熱誠，甚至有人即場獲聘㖭！

如果錯過上星期嘅招聘日，可以喺本月底前到以下網站【按此】遞交履歷表申請㗎。