荃灣廣場產品最平25折 始創中心推購物禮券套裝

最近黛安又心思思想去Shopping，聽聞荃灣廣場正舉行「筍得祭」，即日起至6月2日，場內近180個商戶逾3,000件產品將以低至25折發售！今次仲會豪送4,500張消費贈券，例如餐飲消費滿$200即送$20餐飲贈券；去指定零售商戶消費滿$2,000則賞$100贈券，消費滿$12,000更可獲得$600贈券。晚上6點後消費，更可享2倍贈券獎賞及6倍積分，隨時賺取高達100,000積分，可以換取更多心水產品㖭。

另外，旺角始創中心6月亦會舉辦「始創6月豪賞」推廣，可以6至7折喺POPTICKET網上售票平台搶購始創中心購物禮券套裝；月內喺場內晚市堂食消費滿$500，仲會送指定食肆$100晚市美食禮券，活動期間累積最高消費，有機會贏iPhone12（128GB）1部㖭！