LEGO辦「拼砌小達人」賽 選少年大使

尖沙咀K11 MUSEA內嘅香港樂高探索中心，唔少LEGO迷都認識。黛安知道，嚟緊會舉行首屆「拼砌小達人」大賽，挑選11個5至12歲嘅LEGO迷出任未來一年大使，幫手舉辦各項有趣又有教育意義嘅活動。

想參加嘅小朋友，報名時要揀一個主題，提交構思同50字介紹，講解佢哋想喺探索中心見到嘅作品，大會會從中選20個小朋友6月24日去中心參加總決賽，有機會贏取豐富獎品，包括香港樂高探索中心全年通行證、特備活動幕後之旅等，仲可以同其他高手偷師點樣砌得LEGO-TASTIC。有興趣嘅小朋友，可由即日起到6月15日前報名，可【按此】睇詳情。