吳鎮宇缺乏父愛拒步爸爸後塵 爭取處相時間幫Feynman補中文

吳鎮宇於圈中打滾多年獲得多屆大大小小電影頒獎禮「最佳男主角、男配角」，專業而對演戲嘅執著人皆盡知。甚少提起自己私事同個人經歷嘅佢，早前受前副廣播處長吳錫輝邀請，為TVB節目《輝哥為食遊IV》擔任嘉賓，二人一邊享受美食，一邊傾談人生。

{{hket:inline-image name="ZFKK6seiG4Pcep-iIY4Ry2pXOKipwd3uKqqn_Cqqp_w.jpg"}}{{/hket:inline-image}}

吳錫輝（輝哥）帶吳鎮宇去素菜館，並問後者：「知唔知點解我帶你嚟？」然後立即續說：「大家都知你火氣大，因為素食就係可以下火。」仲問佢年輕時係咪都係「脾氣暴躁」，而吳鎮宇就幽默回答：「其實本人5歲已經歸皈咗，到10歲出家……只係因為我加入咗演藝行業先薰（脾氣暴躁）到咁。」

（點擊圖片放大）

吳鎮宇仲罕有咁提到同爸爸嘅關係，「我爸爸喺廣州大同酒家做點心，你要知道點心師傅嘅時間，除咗演員就冇人差得過佢。（下午）三、四點就返嚟（屋企）瞓，然後煮飯，半夜要起身，去到舖頭瞓多一個鐘，四點就要準備點心，好辛苦，因為五點早市……後來我發覺自己做呢行（演藝）就更差。其實我同佢相處時間真係好少，因為佢好少傾偈，係生活習慣問題。到我而家同個仔相處，就會諗起以前同爸爸……而家想畀另一種方式個仔，我有時都會喺屋企一段時間，不過輪到佢要返學。」

吳鎮宇表示為咗有多啲時間同阿仔相處，補習老師唔得閒嘅時候佢就會幫囝囝補習中文，享另類天倫之樂。