火火老婆基因生仔必有智商問題 成功過兩大關浪子變慈父錫晒仔女

導演火火（本名：李家榮）近日接受張寶華網上節目《Too Simple Sometimes（always）Naive》訪問，提到他為ViuTV開創先河拍攝不少踩界節目如《真PK》等，笑言沒想到電視台尺度之大，放任他們講粗口，認為「冇包袱，咩都夠膽做」就是成功關鍵；友台於他而言有如一名中年男士，曾經成功過但總是跳不出框框，在這個年代已經不合時。後來火火在《全民造星》擔任導師，見證姜濤走紅，他認為：「姜濤受歡迎我覺得係一種投射，香港人冇晒希望，姜濤帶到希望畀我哋，好多人都想佢得！」

直擊香港地獄樓盤 火火：垃圾站都值400幾萬【下一頁】

{{hket:inline-image name="a3504804-b2db-4085-b6c1-724a418d9a2c.jpg"}}{{/hket:inline-image}}

{{hket:inline-image name="83886795_475403606433155_5030452357544301173_n.jpg"}}{{/hket:inline-image}}

話題一轉，火火直言最憎小朋友，偏偏自己是兩孩之父，「坦白講我只愛自己兩個小朋友，其他小朋友只限一分鐘，一分鐘之後就想叫佢哋彈開！當日知道老婆大肚，即時嚡口嚡面啦，見到驗孕棒真係唔係咁喜悅……」他解釋太太因家族遺傳，基因有問題，令夫妻憂心不已，「簡單講，生男仔智商必有問題，而且每隔一代更加嚴重；生女智商正常，但都係基因帶原者，即係佢將來結婚生仔都會有問題。」火火表示，妻子大約懷孕5個月時才可接受檢查，此前兩公婆都不敢對胎兒產生任何感情，最後驗出大女是「兩成」的幸運兒，沒有成為帶原者，是完全是正常的小朋友，「起初諗過就算佢係帶原者，我都唔想生佢出嚟去冒呢個風險，將來佢識咗男朋友或者結婚之後，返嚟怨我！但佢係完全冇事，當時人生第一次忍唔住喊，自己當年唔係好有錢，但好低能咁開車去海港城買件貴價童裝，終於可以同個女建立感情。」

隨後，火火再一次不小心令太太懷孕，再次心驚膽顫，「係意外嚟嘅，最衰係我成日都勒唔住（生理上），老婆話唔想要個BB……」

（點擊圖片放大）

新移民搶佔啟德靚公屋 火火：祝福無屋住嘅港璨【下一頁】

太太經過檢查，火火聽到醫生說是兒子後，心裡一沉，有墮胎的打算，醫生再次解釋機會率，生男而沒有遺傳到不良基因的是有一至兩成機會，並非起初誤會的百分之百，火火說︰「當時我個心態係既然有咗，又唔想個女將來一個人面對所有事，有弟弟或妹妹就唔同。」而兒子經驗查之後，發現他是正常基因排列，令夫妻放下心頭大石。張寶華形容火火中了兩次大獎，四十多年的人生運氣都在這兩次用光。

女兒如今9歲，囝囝跟姊姊感情非常之好，火火這位慈父不時將孩子的照片上載社交平台分享，並留言：「我有好多角色，喺《真PK》入面我係瘋狂嘅人。喺《公子會》入面我係煨鎖嘅人。喺電影入面我係爛片導演。冇所謂，我最享受的，係呢兩個小朋友笑的時候。最感恩的，是我遇到拍照的這個女人。」

（點擊圖片放大）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
 

責任編輯：楊安莉