張美妮為湊女產後2年先敢修身 拒再戒食澱粉質：我要飽住瘦

41歲張美妮在2018年榮升人母，誕下女兒黄洛雯（笑咪咪）。囡囡快滿2歲了，最近美妮亦開始重新投入工作，與兩位靚媽關心妍和孫慧雪開設網上節目《靚媽圍爐》之外，還有其他網上的工作。在需要出鏡示人的大前提下，美妮決心搣甩肥肉以最佳狀態示人。自從女兒出世後，美妮全心全意湊B，一於懶理身材走樣：「湊佢時完全冇諗減肥，因為要餵人奶，自己食乜嘢，BB就會吸收啲乜，坐月儲肥咗自己，足足比未生之前重咗25磅。」

{{hket:inline-image name="118.jpg"}}{{/hket:inline-image}}

張美妮曾想過做全職媽媽，想每分每秒陪著囡囡笑咪咪，看著她成長。（圖片：《晴報》）

{{hket:inline-image name="105.jpg"}}{{/hket:inline-image}}

張美妮佗B後體重暴增25磅，至今仍未回復到103磅的最Fit身段。(圖片：張美妮IG) 

《靚媽圍爐》︳張美妮勁量級母乳如花灑式噴射 孫慧雪奇招通乳要靠老公幫手 【下一頁】

美妮坦言不再十八廿二，年紀越大減肥越難，她已向不少媽媽級朋友取經，試過不同方法，但仍未達標，揮不去「腰纏腩肉」！美妮說：「有試過全戒澱粉質，但自己係飯桶嚟，冇飯落肚就冇力去做運動，好易攰又唔開心，所以呢個方法唔適合我，而家進行緊『168斷食法』，即係8小時內可以食嘢，之後16小時禁食，呢個我覺得可以呀，既食到澱粉質，鍾意食嘅嘢又可以食，我要飽住瘦，情願花多啲時間做運動，希望可以重返103磅自己最Fit磅數。」

（↓點擊圖片放大↓）

被問到老公可有給她修身壓力時，美妮笑言壓力是自己給自己的：「佢好醒，從來冇嫌我肥喎，仲話個個做媽媽都係咁、我湊女咁辛苦應該食多啲。不過，做藝人呢行要出嚟見人，都要適當時候自我管理一下體重，事實上我膊頭同下圍都比以前橫咗！」美妮更自爆曾為急於修身而傷及膝蓋：「之前自己去健身做錯咗動作，又做得過量，再加埋跪喺到同BB沖涼傷上加傷，後來問教練先知我要增肌肉再燒脂，要搵啱方法對正下藥先得。」

至於可有計劃幫笑咪咪追多個弟弟或妹妹時，美妮坦言其實有笑咪咪已很滿足，因婚後一直想「造人」，努力多年才成功，所以，一切隨緣，有自然很開心，沒有亦不會有壓力，情願花多點時候陪女兒成長，「我會提自己勿忘初衷，要永遠放阿女喺第一位。」

{{hket:inline-image name="104.jpg"}}{{/hket:inline-image}}

張美妮和老公不急於為女兒添弟弟或妹妹。（圖片：張美妮IG)

美妮與女兒笑咪咪慶祝第二年的母親節，去年她特別帶囡囡到沙灘慶祝，今年就「母女檔」一齊上無綫綜藝節目《開心大綜藝》做嘉賓，美妮說：「可以同阿女一齊做節目覺得幾有意思，阿女好鍾意去街，出街佢好活躍好開心，同埋畀佢見下媽媽平時做嘅工作都係好事嚟。」雖然笑咪咪6月先足2歲，但已經親手送了一份小心意送給媽媽做母親節禮物，美妮說：「佢之前返Play Group用咗蛋糕紙摺咗幾朵花送畀我，係佢第一份送畀我嘅母親節禮物，我會好好收藏起嚟。」

（↓點擊圖片放大↓）

撰文：衛紫敏

攝：羅灝駿

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

戴夢夢與有米男友未夠一年玩完 疑翻撻太極Ricky：我哋親人一樣 【下一頁】