應采兒怕衰老嘆高清逼死女藝人 直認曾「做手腳」試四種醫美療程

現年37歲嘅應采兒喺香港出道，2010年下嫁陳小春，3年後誕下長子Jasper，相隔6年再生細仔Hoho，近年重點同老公喺內地掘金，頻頻上真人騷同綜藝節目。生咗兩個仔嘅佢而家keep住索，加上佢大情大性又豪爽，喺內地非常吃得開。近日上節目再次展現「坦蕩蕩」個性，直認自己曾經喺面上「做手腳」！

{{hket:inline-image name="001mPwqtgy1gm7fpj3iadj62iz3pjb2h02.jpg"}}{{/hket:inline-image}}

近日應采兒亮相內地綜藝節目《聽姐說》時「打開心窗說亮話」，指自己喺衝緊事業嘅時候選擇咗家庭同小朋友，曾經喺Jasper滿半歲時接戲，結果內心飽受折磨，每晚收工入到房休息都因為太思念Jasper而喊。之後Jasper長大返學，自言變成咗「一個不拍戲的女演員」，亦因此冇錯過Jasper嘅成長時刻，所以唔覺得後悔。

{{hket:inline-image name="iUnljkDgGbfQ-Z-DQVFjfucRnltTETBZHLbythy28rY.jpg"}}{{/hket:inline-image}}

應采兒話雖然佢將重心放喺家庭上面，不過仍然有女明星嘅「包袱」，直認好怕變老，更話健康跟信用卡一樣，「年輕的時候刷爆了，老了就得還」，佢指而家會定期做健康檢查，仲直認曾「做手腳」試過四種醫美療程，「打瘦臉、打玻尿酸、打肉毒、打熱瑪吉（Thermage）！」仲會去針灸來維持健康同美貌。

（點擊放大睇圖片）

應采兒感嘆外界對於女藝嘅的標準太嚴格，覺得男星有皺紋就會被讚滄桑、有故事，女星就會被批評好老。而現今攝影技術進步，電視都係行高清制式，連毛孔都睇得清清楚楚，應采兒表示上鏡會覺得好大壓力，直言：「你們想逼死誰呀？」直認好怕變老嘅佢，就話已經接受變老嘅事實，認為「只有害怕變老，才會珍惜自己的身體」。