瞓咗半年床｜余慕蓮好感恩：「執番條命仔」 出院由頭洗到落腳剪腳甲嗌舒服

現年83歲的資深藝人余慕蓮（魚毛）去年11月因肺纖維化入ICU，情況一度危殆要插喉呼吸，幸而大步檻過，其後轉到九龍醫院繼續接受治療。昨日（26號）魚毛姐得到醫生批准出院，由於醫生不建議她接觸人群，擔心疫情下受病毒感染，故坐在輪椅上的她離開醫院時未有停下來接受訪問，之後返回家中才接受車淑梅及《東張西望》的電話訪問，分享她出院後的喜悅及最新情況。

{{hket:inline-image name="04271004.jpg"}}{{/hket:inline-image}}

{{hket:inline-image name="Whats_600.jpeg"}}{{/hket:inline-image}}

余慕蓮大步檻過留醫5個月出院 身形消瘦中氣十足：最緊要返屋企【下一頁】

魚毛姐說話有點聲沙沙，可是難掩平安出院的興奮心情，她表示：「好開心呀，返屋企沖涼洗頭、剪腳甲剪手甲，因為成半年無剪腳甲，啲腳甲好長。印傭幫我由頭洗到尾，洗完幫我剪晒啲腳甲。（而家覺得點？）梗係舒服，返屋企就唔使成日瞓床。（見你瘦咗好多？）咁半年喎，執番條命仔已經好感恩，我驚唔出得嚟㗎！（點解唔畀人接你出院？）第一，醫生話而家疫症好犀利，又有變種，佢話我啱啱好番身體弱，驚我接觸外界啲人會受感染。嘩！喺醫院門口幾多人伏我影相，我只好同佢哋耍手打聲招呼，話醫生唔畀我同你講嘢呀，因為印度嗰面啲（病毒）變種好犀利；我啱啱出院身體仲好弱，醫生叫我唔好畀人去我屋企，揸電話接受訪問無所謂，儘量少啲出街，要出街就戴口罩。」

醫生雖然已叮囑減少外出，但魚毛姐表示今日（27號）要去銀行提款，「因為我使晒啲錢，朋友幫我交印傭嘅人工、伙食費，仲要畀管理費，所以聽日還番啲錢畀佢。（出嚟有甚麼最想食？）而家唔可以食太補嘅嘢，煲啲豬肉湯，今晚或者番茄薯仔牛肉或魚湯。而家坐喺梳化睇電視，唔使瞓床，瞓到有啲懶！」

余慕蓮危殆後首報平安聲音沙啞 長期臥床生褥瘡︰希望我可以食嘢【下一頁】

魚毛姐很感恩平安出院及各界的關心，「講畀你知，我諗住出唔到嚟……因為我做好大手術，喉嚨開過個窿，諗住出嚟都要插喉。點知而家掹晒啲喉，喉嚨個窿埋咗口。信教嘅朋友幫我祈禱，信佛嘅就幫我作福，好多謝佢哋關心。（有甚麼人想多謝？）多謝所有關心我嘅人，家燕姐成日打電話問候我，仲有珠女（吳麗珠）、大王（安德尊），總之成班都好好，屋企印傭全靠米記（米雪）介紹，呢個好純品，以前嗰個成日掛住去玩。」

（↓點擊放大睇圖片↓）

魚毛姐透露出院時手寫一張感謝卡多謝醫生和護士外，還包括幫她沖涼及換片的醫護姐姐。至於出院後是否仍需要用尿片？她續說：「我日頭就唔用，夜晚就會用，因為我瞓咗成半年床，我驚發夢仲喺張床度，嗰時就大劑。（適應番就唔使用？）梗係啦！而家醫生叫印傭陪我行多啲，因為我隻腳無力嘛！（暫時未行到？）我買咗輪椅、學行車同單車，單車就做運動用，物理治療用嘅都有啲。多謝關心我嘅朋友，我而家已安全返到屋企，你哋唔使擔心，多謝你哋咁多年仍記得我。好開心返到自己屋企，希望我可以快啲站起來！」

魚毛姐在《東張西望》訪問中表示現在可以食飯，但是飯餸一定要剁碎；又指醫院用車送她回家，下車後印傭和朋友在門口以輪椅接載她，她不忘再一次多謝各方的照顧和關心。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】