7-Eleven積木小店舖 蠟筆小新6角色粉墨登場

漫畫角色蠟筆小新外形趣致，加上無厘頭性格，多年來迷倒唔少粉絲。黛安收到風，7-Eleven最近有新搞作，推出全新一套10款「積木小店舖」，不但有6位《蠟筆小新》角色，例如廣志、美冴、小白等，當中小新會以5種造型粉墨登場，更會破天荒crossover各大零食、飲品和啤酒品牌，明日（28日）早上開始就可以儲印花換購喇！

今次積木小店舖內有BANBAO積木一套，採用活動式設計，砌完都唔係得個睇字！如果儲齊一套想好好展示，就要留意「7仔小市集收藏組合」，當中7-Eleven店舖以兩層式設計，更附有LED燈仔積木可以照亮店舖，夠晒豪華！組合有3塊積木底板及多款小配件，讓大家放上各款小店舖，創作獨一無二嘅小市集，喺換領期內任何消費都可以加$168換購。

黛安知道，除咗各大零售品牌，yuu店舖今次亦獨佔一款設計，同埋動感超人小新一齊出場；yuu會員仲有專屬換領優惠㖭，各位粉絲唔好錯過呀！