錢錢錢錢│錢小豪獲兩子驚喜送蛋糕慶生 19歲餅印細仔聽到關鍵字即笑

錢小豪和錢嘉樂兩兄弟近日獲邀為節目《諸朋好友》錄影，接受主持陳凱琳和崔建邦的訪問。在TVB娛樂新聞的報道所見，1月25日正是錢小豪的58歲生日，大會特別安排他的兩個仔龐景峰、錢穎德驚喜現身，齊齊送上生日蛋糕賀壽，令錢小豪大感驚喜！錢小豪許願望疫情儘快過去，大家可以回復正常生活四周圍飛！

【就快做老爺？】錢小豪少跟兒子來往深感悔疚 龐景峰月使六千儲300萬娶老婆【下一頁】

{{hket:inline-image name="CHIN4.jpg"}}{{/hket:inline-image}}

錢氏四傑難得同場，合成「錢錢錢錢」的畫面，他們笑言「好多錢！」小豪的細仔錢穎德以往不多在熒幕上露面，剛滿19歲的他長得跟小豪越來越似樣，他們更穿上牛仔衫父子裝，不過未知是否怕醜，外表比較酷無乜嘢笑容，他乖乖跟爸爸、叔叔和哥哥一齊接受訪問。

錢小豪就話：「我去咗橫店拍戲，同大仔成日見，因為一齊拍戲，但差不多7個月冇見細仔，第一時間梗係將功補過，買套父子裝先！」主持人追問下一步是否買跑車，錢穎德即時不禁竊笑，連叔叔錢嘉樂都說：「你講父子裝都冇乜嘢反應，一講跑車佢即刻忍唔住笑！」

錢小豪表示作為父親，自己盡量放手，希望細仔多去發掘自己的興趣，「佢瓣數好多，鍾意潛水、打碟、跳舞、賽車，仲有打泰拳……」錢穎德說：「之前有操拳，不過因為疫情（拳館冇開），所以暫時都放低咗。」

而大仔龐景峰跟著媽媽郭秀雲成長，並改名跟繼父姓龐。近來他活躍幕前，反而有更多機會跟爸爸見面，「呢幾年開始拍戲，接觸多咗，好多時都同一部戲，不過冇演父子，多數都係師傅同徒弟之類，所以可以玩吓老竇！」

（↓點擊圖片放大↓）

錢小豪仔睇動作片大當老竇「超人」 3歲父子分離遺憾冇陪伴成長【下一頁】

錢小豪經歷過兩段婚姻，前妻為郭秀雲，於1990年在澳洲結婚，不久誕下大仔錢浩然（亦即龐景峰）。三年後，兩人分居並離婚。郭秀雲後來再婚，現任丈夫為「鋼鐵大王」龐鼎元第五子龐傑，囝囝錢浩然亦改跟繼父姓，易名龐景峰，今年30歲。至於錢小豪的現任妻子為丘倩鳴，於2001年完婚，婚後亦育有一子錢穎德。

（↓點擊圖片放大↓）

責任編輯：楊安莉