JW揚言最愛富二代男友肥嘟嘟 為個靚字飽住瘦3個月減13磅

《東張西望》主持梁麗翹（Nicole）今年初開了YouTube Channel，除了拍片分享自己的減肥法外，亦會找來藝人好友分享各自的減肥秘訣。最近一段影片她就找來歌手JW（王灝兒）分享減肥心得。

{{hket:inline-image name="JW.png"}}{{/hket:inline-image}}

梁麗翹問JW曾為減肥做過最瘋癲的事，JW說：「喺英國時試過只係食蘋果減肥。其實我咩方法都試過，試過淨係飲湯，或者食蘋果，只食一樣嘢減肥，係會瘦，但反彈都好快，因為呢啲係好極端嘅減肥方法。」她又指體重最重時是前排疫情的時候，「因為真係好懶懶閒，覺得自己唔使做嘢，成日係喺屋企不停地食。」

而最後令JW下定決心減肥是因為她知道自己即將轉公司，有機會拍劇，「拍劇令我下定決心減肥。所以我係拍劇之前用咗兩至三個月減咗13磅。」她又指多得營養師朋友教路，「當時我對減肥嘅了解全部錯晒，我以為我減晒碳水化合物就得，但其實唔食嘅話，之後再食返，反彈會更快。我反而係要減油、減脂肪、減甜，但照食飯，不過要控制份量。」

{{hket:inline-image name="JW2.png"}}{{/hket:inline-image}}

她又指每次都係一碗飯，食肉同食菜。「最容易係食一碗飯，食雞胸，或者牛肉、瘦肉都可以，食無限菜都得嘅，好清淡但又健康又飽肚、又可以瘦。一日正常三餐，所以我呢個減肥方法唔使餓。」

30歲的JW曾是黎明公司旗下歌手，於2010年出道。她去年宣布加盟星夢娛樂，除了有份唱TVB劇的主題曲外，更獲拍劇機會，有份參演劇集《欺詐劇團》。JW和卓悦太子爺男友Tarzan拍拖多年感情穩定，兩人不時傳出結婚傳聞，不過JW曾表示正處於事業搏殺期，雙方有共識以事業行先。Tarzan家底富裕，父母葉俊亨和葉鍾佩雲是連鎖化妝品店的創辦人，據悉坐擁12億身家。

（↓點擊圖片放大↓）

許家傑為拍《拳王》激減20磅 分享減肥三件事 秘訣係要食脂肪？【下一頁】