全憑麥當勞app 姜濤擊敗情敵

麥當勞又有新搞作！繼早前推出「姜B食過笑哈哈」嘅煙肉巨無霸後，麥當勞最近再同姜濤，以及同屬Mirror成員嘅Edan（呂爵安）和Anson Lo（盧瀚霆）合作，拍片介紹新升級嘅麥當勞App。粉絲們如果想睇呢套《麥當勞APP X大姜的愛》短片，明日（15日）記得上麥當勞fb睇喇。

黛安八卦到短片係講述一段三角戀曲，姜濤將化身職場新人，觸發一場辦公室愛情三角鬥爭。為奪得「討厭等待」嘅Edan「芳心」，姜濤會出招擊敗「情敵」Anson，最終成功全憑有麥當勞App幫手！大家係咪好心急想睇片呢？不如【按此瀏覽】睇住預告片先

另外，麥當勞App即日起會升級至最新版本，縮短點餐取餐流程，顧客只要喺手機點餐及付款後，所選嘅餐廳隨即會準備美食，訂單完成後，顧客就會收到手機推送和電郵通知取餐，可以慳返唔少時間。