信和可穿戴冷風裝置 獲日內瓦國際發明展金獎

香港發明又揚威海外喇！黛安聽公關姊妹講，信和集團有2項自行研發嘅項目CoolJet和Mobile IAQ Robot，剛剛喺2021年日內瓦國際發明展獲頒發金獎，認真可喜可賀啊。

今次嘅發明展以網上形式舉行，公關姊妹話有來自20個國家及地區、約600項發明參展，可以脫穎而出實在難得。其實呢2項發明係信和首屆員工創新計劃「信‧共創2019」嘅冠軍和決賽入圍項目，例如CoolJet就係一個專利技術，設計成可穿戴式冷風裝置，適用於通風需要和溫度較高嘅工作環境。至於Mobile IAQ Robot就係附有自動導航系統，可以用作室內空氣質素檢測和顯示器，檢測多達9個室內空氣質素參數，包括空氣中嘅懸浮顆粒PM1、PM2.5同PM10，用戶就可以按數據作出相應改善措施。