兩性關係｜拍拖4年男友搭上打機女主播狂「課金」 港女分手後看清真相：人生污點

不少人都會「課金」予打機主播作「打賞」，但如因此影響跟伴侶的關係，實在不值得。一名在外國留學的港女發文吐苦水，指交往4年的男友自從打機並結識一群內地玩家後，兩人感情就開始變淡，經常發生爭執，男友其後堅決分手。事主起初希望跟對方復合，後來始知男友早已搭上內地打機女主播，甚至大額「課金」追求對方，令事主深感厭惡，斥責對方非常愚蠢，直言「同佢一齊咗咁耐係自己嘅人生污點」。

一名21歲女網民上周五（2日）在網上討論區「Dcard」發文，表示自己跟22歲前男友是在外國讀中學時認識，雙方交往4年半。事主指兩人見證著彼此中學畢業，一起考入理想的大學，一直相處甜蜜，陪伴對方度過許多難關，已視對方為終身伴侶，更於去年6月展開同居生活，事主形容：

「同居生活其實一直都過得幾開心，我一直將佢照顧得好好，家頭細務全部我包辦，大家有大家嘅空間，佢有佢打機，我有我煲劇。」

結識內地玩家 日夜打機增磨擦終分手

直至今年2月初，事主指前男友因打機結識了一群內地玩家，其中包括5男1女。她形容男友自此就不分晝夜地打機，其手機亦變成了一個「禁區」，

「拎佢電話或者望一望佢啲打機Group（群組），（男友）都會成個人起晒鋼；而佢打機亦打到好無（冇）節制，成日玩到唔知時間，晏晝玩到夜晚9點幾、10點先醒起我哋未食晚飯。」

事主續指，兩人對話雖不超過10句，但因打機而衍生的爭執卻越來越多，男友每每以「冷暴力」處理，「就算我喺佢面前黑晒面，佢都係眼尾望咗我一眼然後繼續玩」。直至上月初，二人因「頂唔順」正式分手；事主因不捨4年多的感情，多次跪求男友復合，對方卻無動於衷，「佢話淡咗，話唔愛我了」。

課金成癮｜初中弟為課金餐餐杯麵偷長輩錢，兄長頭痛：年課$3萬唔聽人勸，詳情即睇：【下一頁】

搭上內地打機女主播大額「課金」

然而，由於人在異鄉，兩人難以在短時間內找地方搬走，故分手後繼續同住，期間事主終得知前男友堅決分手的原因。日前前男友未關電腦就離開，她才發現對方自2月開始除了經常跟該群內地玩家打機，亦會觀看其中一名內地女子的打機直播；事主一查直播室的「編號」，始知前男友曾大額「課金」予該女子，

「其中一個Post（帖文）係情人節，我Ex（前度）課重金畀佢又示愛，可笑嘅係當時我哋仲拍緊拖，係我哋一齊嘅第5個情人節，佢買咗束花畀我，嗰陣我真係覺得好幸福，以為我哋會一直Sweet（甜蜜）落去，但原來佢現實中送花畀女朋友，都不忘上網課重金畀自己個大陸新歡。」

此外，事主發現前男友早已「精神出軌」搭上該女主播，形容他們在微信上的對話「要幾Sweet有幾Sweet」，令她頓時不知如何反應，只覺得錯愕又嘔心，

「綜合晒所有嘢先知佢一早已經背叛咗我，佢哋素未謀面，識咗只有短短個幾月嘅時間，佢就唔要拍咗拖4年幾嘅女朋友，同佢搞網戀。」

怒斥前男友「低能」被當提款機

事主表示，前男友3年前曾在港收到內地詐騙電話，被騙走2、3萬元，故她曾多次叮囑他「打吓機就算，唔好同佢哋（內地玩家）有金錢瓜葛」；惟前男友仍不聽勸告，展開這條「直播室乾爹課金之路」，令她極為不滿，直言：

「其實有少少腦嘅都知人哋只係當你ATM（提款機），你無（冇）晒錢嘅時候就會另覓金主。其實而家我都幾想佢快啲畀人呃晒啲錢，佢就要為自己嘅愚蠢埋單。每日望住佢啲低能行為，真係覺得同佢一齊咗咁耐係自己嘅人生污點。」

不少網民看到帖文後，均批評事主男友為了一名素未謀面的女主播而拋棄女友的行為不要得，建議她盡快搬走；亦有人指另一半和友人亦曾為內地女主播而著迷，並分享自己的見聞：

↓ 點 擊 圖 片 放 大 ↓

網戀陷阱｜墮網戀騙局「女友」借錢590次，男子追債120萬不果揭驚人真相，詳情即睇：【下一頁】

每朝索取《晴報》：精明生活．健康家庭．開心娛樂

撰文：蘇麗儀