《衝上雲霄大選》亞軍｜盛勁為疫下冒險投資六位數賣點心 馬死落地行 樓面洗碗一腳踢

30歲的盛勁為做咗飛機師4年，在疫情下不幸被裁員，去年參選《衝上雲霄大選》獲亞軍，實行換個跑道再出發。除了入娛樂圈外，他亦「疫」市創業，與朋友合資於元朗開點心店，勢要再創另一片天。

{{hket:inline-image name="vdsv.jpg"}}{{/hket:inline-image}}

近日他於社交網上載歎一盅兩件嘅相，留言說：「得閒飲啖茶，食粒燒賣！」原來他身處的地方就是他有份投資的點心店。盛勁為接受訪問時指去年年底與朋友以6位數字合資開店，暫時生意未回本。他又指選址元朗是因為以前附近冇任何點心店，亦想提供聚腳點畀附近老人家飲茶。

{{hket:inline-image name="165709750_3879228175503999_1737654995385531653_n.jpg"}}{{/hket:inline-image}}

其實之前《東張西望》亦曾訪問一班在疫情之下被裁員的機師及空姐，而前副機長盛勁為亦有接受節目的訪問。他在訪問直言為了生計，同人夾份喺圍村開茶樓賣點心。

當時主持亦問到他有沒有想過失業後找其他出路，「冇諗住搵工，經濟咁差唔會搵到咩好嘢做，咁喺呢個時候就同兄弟、朋友夾份搞小生意。」他笑言自己乜都唔識，「以前淨係識揸飛機，咁我其他兄弟識做生意，就預埋我。」

（↓點擊圖片放大↓）

盛勁為除了是老闆之一外，他平時也要負責打雜、侍應、收銀及洗碗工作。他又笑言在家也會洗碗：「人生係要試吓唔同嘅嘢！」

{{hket:inline-image name="78_600.png"}}{{/hket:inline-image}}

衝上雲霄大選｜冠軍麥大力曾棄讀醫投考機師追夢 34歲混血兒筍盤原來仲係單身？ 【下一頁】