#後生仔傾吓偈│麥大力難忘飛機上睇流星雨 被爆係萬人迷：「我工作好認真」

《衝上雲霄大選》參賽三位飛機師麥大力、盛勁為和李傑志（Brian）接受《#後生仔傾吓偈》訪問，大談飛機上面的所見所聞。由於一眾「後生仔」都大感好奇，全程訪問你一言我一句嘈喧巴閉，非常熱鬧。Brian示範揸飛機的手勢，借助身旁戴祖儀大髀上的咕𠱸托住手踭，即時惹來全場起哄！加上男方的動作甚為尷尬，令戴祖儀怕醜面紅紅。

衝上雲霄大選│麥大力型廚親手炮製叉燒龍蝦湯 盛勁為微醉面紅紅瘋狂示愛【下一頁】

{{hket:inline-image name="MAK1.jpg"}}{{/hket:inline-image}}

問到飛機艙入面的工作日常，他們表示長途機有四位機長，兩位先休息，負責降落，在休息間可以睇電影或者睡覺。至於機艙前最美的畫面，Brian同麥大力都異口同聲說是流星雨，麥大力說：「我試過有一晚飛5至6個鐘，不停有流星落嚟！」

游嘉欣稱經常聽聞飛機上的男女關係很混亂，到底現實中是否有空姐敲機艙門示愛？麥大力、Brian推年紀最輕的盛勁為回答，後者即時面紅說：「我年資太淺，未經歷過呢啲事，通常敲門都係問正經事。」他笑言只是聽聞過有發生「不太正經的事」，再蠱惑指住麥大力，「聽啲朋友講，有空姐敲門讚佢好靚仔，話好鍾意佢咁囉！(有冇下文？)咁我又唔知喎！」林正峰立即追問麥大力，「靚仔」笑笑口︰「我？我工作時好認真！」引來哄堂大笑，麥大力揚言收工之後就會乖乖返屋企。

（↓點擊圖片放大↓）

衝上雲霄大選冠軍│麥大力Po脹爆童年照自爆愛食嘢 餅印哥哥原來同樣係飛機師【下一頁】

林正峰繼續追問：「聽講你喺呢行好出名，有冇少女主動獻上最重要嘅嘢畀你呢？」麥大力表示飛到外地時，會約機上所有工作人員一齊食飯飲嘢，之後就會回酒店休息，準備另一日的工作。問到港龍還是國泰的空姐比較靚？麥大力、Brian稱沒留意，反而盛勁為大方認同港龍的空姐比較出色，指可能是揀人的經理有眼光！

麥大力表示降落時最高難度的機場是釜山機場，因為三面環山，要特別小心，一邊要留意小心撞山，另一邊要留意右面的樓房。他笑言︰「今次上節目畀你哋追問，比起降落釜山還要難！」認真搞笑。

（↓點擊圖片放大↓）

責任編輯：楊安莉