陳少霞兩歲千金越大越似媽媽 海景獨立屋草木扶疏教囡囡務農

現年44歲嘅陳少霞千禧年嫁澳洲籍華裔商人後淡出幕前，後來與前夫離婚，陳少霞為養育兩個女兒復出。直到2016年陳少霞與擁8億身家嘅「法拉利之父」李文輝再婚，再次退出娛圈，過住少奶奶生活。2019年陳少霞更以42歲高齡為老公誕下女兒書雅（Esther），一家三口非常幸福。

{{hket:inline-image name="136052065_3613531005401864_1370012430953534843_n.jpg"}}{{/hket:inline-image}}

陳少霞不時都會喺佢社交平台分享佢嘅「少奶奶」生活，不過就唔係分享奢華嘅消費同錦衣玉食，而係佢樸實嘅湊女生活。雖則話係「樸實」，不過有錢人嘅生活都係不同凡響，陳少霞會喺佢獨立屋內地下嘅自家田園教囡囡務農，打理菜田；天台又種滿咗唔同品種嘅花卉，足不出戶「大自然」亦觸手可及，睇到都覺得心曠神怡。

（↓點擊放大睇圖片↓）

臨近復活節，陳少霞同囡囡喺屋企嘅天台整復活蛋，令佢天台可見嘅美景曝光！陳少霞家中天台放咗戶外長枱，相中見到無敵大海景，景色非常宜人！陳少霞更大方Post出囡囡為復活蛋上色過程，可愛嘅囡囡著上一條白色花裙仔同頭戴草帽，好有乃母之風。就算囡囡整到成件衫、全面、成隻手都係，陳少霞依然畀佢任意發揮，最後仲將囡囡嘅作品掛喺花上，見到都覺得呢個家庭好warm好幸福呀！

唔少網民都驚嘆囡囡大得好快，仲大讚佢越大越可愛兼似足媽媽；又稱讚陳少霞有資源之餘都好用心教囡囡，會畀佢親親大自然而冇畀佢接觸太多科技產品，係模範好媽媽咁話！

圖片來源：Facebook