《#後生仔傾吓偈》︳曾志偉向後輩自爆老貓燒鬚 將入圍華姐名單報錯10強變13強

曾志偉以無綫副經理身分掌管綜藝及音樂節目，早前他突擊《#後生仔傾吓偈》，原來是與馮盈盈、陸浩明（六號）及一班年輕主持分享多年來擔任司儀的秘訣，重提自己不喜歡司儀睇住稿來唸讀。

記得有次記者會，志偉直斥蔡康年睇cue卡讀稿不夠專業，志偉表示：「除非係一啲唔可以讀錯嘅嘢......我永遠最佩服鄧梓峰，佢喺東華嘅活動會背晒所有銀行名！如果你睇住啲銀行名去讀我都唔怪你，因為人哋個銀行名好重要，係贊助你嘅，講漏咗就冇禮貌，或者人哋捐咗錢畀你，你冇可能唔講嘛！」

{{hket:inline-image name="30.jpg"}}{{/hket:inline-image}}

「獎門人」曾志偉殺入《#後生仔傾吓偈》，令一班後生仔好興奮。（圖片：電視截圖）

志偉講到主持直播節目時，司儀要在有限時間內將稿讀畢，很多時臨場更會被台下工作人刪減時間，志偉把已故好拍檔「肥姐」沈殿霞的執生絕招傳授予大家，「肥姐話唔好睇佢（工作人員），佢死好過我死！我哋錯，觀眾睇到，佢錯，觀眾睇唔到，做完先算！」

{{hket:inline-image name="33.jpg"}}{{/hket:inline-image}}

身經百戰的曾志偉，都有出錯時候。（圖片：電視截圖）

《解構心機女》突然又延期播出 馮盈盈成綜藝天后接工作無停手 【下一頁】

志偉擔任直播節目司儀時亦曾「出大錯」，即時將肥姐的執生招數「付諸實行」，他說：「嗰次係好大件事，係好錯，我係做《華裔小姐競選》司儀，比賽去到最後一刻先會遞個結果（信件）上嚟，宣布20名選10個，左邊係入選名單，右邊係被淘汰名單……當我讀咗3個人名出嚟，見下面工作人員不停耍手，我先發現自讀咗落選嘅人名……咁點呀？我就繼續落去，讀埋入選10個人名，最後10個變13個，有乜嘢所謂？咁嗰3個唔得嘅話，到頭來都係唔得……如果你話唔好意思講錯咗，再讀過，咁就好突兀，我企喺台上就當冇事發生過！呢個就係肥姐所講，『話之佢死囉』，有乜嘢事之後再算。」馮盈盈、六號和一眾後生仔即時拍晒手掌！

翻查過去「華姐」選美，不曾發現志偉所形容13位佳麗入圍決賽的情況，反而在2008年《國際中華小姐競選》中，志偉、胡杏兒及森美擔任司儀，當日由志偉宣布佳麗入圍名單，當他讀到第3個入圍者的名字時，咪高峰突然有雜聲，他未知發生甚麼事，繼續宣讀，直至森美表示：「頭先收到工作人員指示，由於分數太過接近，讀錯咗1位佳麗嘅號碼。」站在台上的志偉隨即問：「咁我請嗰位佳麗離開定係點？唔理喇，我公布埋最後1個人先！」最終入圍決賽的有11人，未知誰是原本被淘汰的1位。

（點擊圖片放大睇）

撰文：衛紫敏

愛美麗狂想曲│蝦頭一拖五光顧牛郎店大開眼界 被李佳芯林凱恩抬起竟嚇到喊？ 【下一頁】