方媛拒做肥師奶同郭富城鬥弗 瘦過Model時期網民讚自律

現年55歲嘅天王郭富城咁多年都Keep得咁Fit，仲係健身中心嘅代言人，一身肌肉令唔少人都覺得好羨慕。城城注重健康同身形，太太方媛都自然會被佢感染到，追趕上佢嘅腳步！日前方媛就喺社交平台分享自己嘅健身短片，唔少網民睇完都話要以佢為榜樣呀！

{{hket:inline-image name="117198409_2677135175938767_7053253308405328109_n.jpg"}}{{/hket:inline-image}}

方媛留言話自己係「健身打卡」，雖然造係打卡，不過見到佢一啲都唔馬虎，唔係Hea住做，片中方媛用左手支撐身體，右手喪舉啞鈴10幾下都面不改容，每舉一下二頭肌都谷晒出嚟，日子有功，真係冇得扮！

（↓點擊圖片放大↓）

翻睇方媛當年仲未撻着城城嘅時候，比起佢而家生咗兩個小朋友嘅身材仲更加好「肉地」，手臂冇而家咁firm，面仔仲好圓碌碌！相比起，而家方媛嘅手臂線條結實，而肚仔更加係一啲贅肉都冇，真係弗過做女嗰陣！唔少網民都大讚佢比起當年做Model嘅時候身形更加好，亦冇因為已經嫁人同生小朋友而「放棄自己」，真係好自律！做全職媽媽嘅方媛其實間唔中都會出吓活動，佢努力keep住呢副好身材真係好專業！有人仲建議佢發展KOL事業，同城城一齊拍片教大家健身，一定會掀起健身熱潮呀！