全港首個SD高達展 MegaBox有得睇

高達迷要注意！黛安收到風，九龍灣MegaBox製作咗全港首個「SD高達世界群英集@MegaBox」大型裝置，即日起至下個月18日，除咗出售多款超人氣期間限定模型外，更有全港首次曝光嘅AR活動體驗。

活動安排咗多款同SD高達系列作品有關嘅展品同角色公仔，擺喺L5中庭畀大家打卡，只要喺場內影到創意照片，再上載至MegaBox fb專頁指定貼文，最有創意及獲最多Like嘅10個參加者，有機會獲得SD高達模型1盒㖭！

此外，喺MegaBox指定商戶即日消費滿2,000元（包括1間食肆收據），仲有機會換領高達模型1盒。至於6點過後喺指定食肆商戶消費夠指定金額亦有嘢送，買夠300元更可參加「MegaBox即抽即中開心賞」，有機會贏到商戶現金券或其他豐富禮品㗎！黛安已經約好班姊妹去掃貨喇！