膠樽洗淨回收 朗豪坊換可樂精品

地球資源有限，回收人人有責。可口可樂基金會旗下嘅「齊回收‧樂共享」乾淨膠樽回收計劃返嚟喇，黛安收到風，即日起至今個月27日，將洗乾淨嘅膠樽攞去朗豪坊4樓顧客服務中心旁回收點，即可憑樽換領可口可樂精品。例如交回1至5個樽，有機會換到杯墊、memo紙等；如果交回超過26個樽，仲可以換到保溫水樽、回收袋等。公關姊妹提醒，今次計劃只回收PET 1號或HDPE 2號膠樽，回樽前記得睇清楚呀。