KAKAO FRIENDS登陸新城市 融入名畫夠盞鬼

韓國大熱卡通KAKAO FRIENDS一向行可愛路綫，黛安收到風，今個月23日至5月2日，《Musée de KAKAO FRIENDS》展覽將登陸沙田新城市廣場，粉絲千祈唔好錯過啊。公關姊妹話，今次展覽突破咗博物館嘅拘謹嚴肅，將KAKAO FRIENDS融入著名經典名作，好似有Ryan、Apeach同一眾朋友調皮亂闖《創造亞當》、《戴珍珠耳環的少女》等，盞鬼「復活」多幅名畫，仲特別為大家準備咗6大打卡位，等大家可以輕鬆打卡，疫情下可紓緩心情。

現場仲有期間限定店，發售近300款精品，包括最新嘅限定版藝術館主題系列，必定會掀起搶購潮。