姚樂怡有女萬事足無懼「花殘粉褪」 囡囡嚇親不捨變老做出舉動窩心

現年47歲嘅姚樂怡離開無綫4年後，於2012年與圈外商人吳俊匡結婚，之後就鮮少參與幕前演出。姚樂怡結婚三年後誕女「小雞髀」，不時都有喺社交平台同大家分享近況以同生活點滴，非常溫馨美滿。姚樂怡今日就喺IG上載咗同囡囡一齊玩相機Filter嘅影片，嚇驚囡囡之餘仲搞喊網民，到底點解會咁？

{{hket:inline-image name="f67932fe2213dbf3474073d6ae20ab45.jpg"}}{{/hket:inline-image}}

姚樂怡上載影片，並留言：「變老不重要！最重要可陪住女兒健康成長！❤️ 但係好似....嚇親小雞髀。」影片嘅開頭兩母女都好開心咁望住鏡頭笑晒，非常歡樂，不過相filter將姚樂怡越變越老，小雞髀嚇到呆咗，仲即刻攬住媽媽，好似好驚咁！囡囡嚇窒，但媽媽就冧晒，仲肉緊咁錫咗囡囡一啖安撫佢，唔少網民都大讚呢個女「冇生錯」：「小雞髀捨不得你變老」、「囡囡真係好sweet！」、「點解我睇到想喊。」姚樂怡為咗家庭放棄事業呢個決定真係好值得！

（↓點擊圖片放大↓）

姚樂怡當年中學畢業就成為模特兒，隨後於1998年加入TVB，並被安排與梁雪湄、汪曉文（現名汪琳）、雷穎怡（現名雷晴雯）、梁佩盈、任港秀、翟佩雲和李慧萍（現名李思蓓）組成「電波少女」，外表甜美同身材驕人令姚樂怡人氣急升。短短一年間拍咗接近二十部電影，成為香港影壇的超級新星。後來同時為無綫拍劇，代表作有《十月初五的月光》中與唐文龍拍檔飾演情侶和在《陀槍師姐》中飾演二妹姐的女兒「五福」等，不過她跟無綫滿約後離開，轉行成為經理人，出任公關總監，負責照顧藝人、搞活動、找贊助、接廣告等。

姚樂怡而家除咗update社交平台之外，都有喺YouTube設立頻道，製作《姚姚說故事》，每次演繹一本故事書，一切都係圍繞住囡囡，可以話係有女萬事足呀！