麥當勞慶祝Pi Day $3.1歎蘋果批香芋批

後日3月14日係「Pi Day」，即係慶祝圓周率π嘅特別日子。黛安聽聞麥當勞即將推出年度慶祝優惠，明日（13日）早上11點至14日午夜11時59分，用麥當勞App憑電子優惠券，即可用$3.1買蘋果批或香芋批，大家又點可以錯過！

食批之餘，麥當勞App專屬優惠下星期踏入第11個禮拜，3月15至21日會繼續送上多項優惠，黛安覺得最筍嘅有$12歎麥炸雞配中汽水、選購超值套餐減$5，同埋$25就買到魚柳包超值套餐。至於近期至hit嘅煙肉巨無霸，套餐都有減$5優惠㗎。