殺出個黃昏丨謝賢素顏除黑超演殺手做男主角 激罕露真面目全因信任呢個人

《第45屆香港國際電影節》今日公布參展電影，84歲謝賢及66歲的馮寶寶再登男女主角之作《殺出個黃昏》(以殺手為題材的黑色喜劇電影)，將於4月4日假座香港文化中心作世界首映。身為監製的林家棟希望作品能夠得到認同。

{{hket:inline-image name="2IvKrCSgSWHv5o5V9f00ItI-QZklRw3Wr2w5s69sObM.jpg"}}{{/hket:inline-image}}

「四哥」謝賢近年也是以戴眼鏡形象示人，但日前林家棟監製的電影《殺出個黃昏》發布宣傳片和劇照，竟罕有見到四哥脫下黑超，以「真面目」同各位觀眾見面。

四哥謝賢會除低副超，原來係因為監製林家棟親自出馬誠意遊說，後者接受訪問時透露，其實四哥唔介意除超，「但當時佢唔熟林家棟，驚呢個只係玩玩下嘅噱頭，所以冇即刻答應。其實四哥唔係介意除眼鏡演戲，問題係佢唔識我、信唔過我，驚我哋玩玩吓，搞爛佢招牌。拍攝前，我同導演 (高子彬) 同佢見過4、5次面，佢了解到成個故事講乜嘢，我哋想佢演得貼地一啲，重現凌厲嘅眼神！起初四哥仲十五十六，後來我話『唔好咁對我啦，我有扮過你呀』，然後播出我扮佢嘅片段（1998年劇集《難兄難弟之神探李奇》），畀佢睇，大家先慢慢建立互信關係。」四哥感受到對方嘅誠意，最後先有呢套電影誕生。

(點擊圖片放大)

大家點解會對謝賢嘅真面目咁感興趣？要佢「真人露相」實在好難得！最經典係2005年四哥參與拍攝亞洲電視劇集《情陷夜中環》，劇中佢長期戴住太陽眼鏡，就連跟張文慈上床都冇將黑超除低，當時為網民所議論。2021年終於等到四哥除咗副超嘞！