屈臣氏回收護理品膠樽 換P&G禮品

環保對好多人嚟講都係知易行難，公關姊妹同黛安講，香港屈臣氏同日用品品牌P&G合作，即日起推出為期3年嘅全港塑膠容器回收計劃「塑膠再生」，計劃首階段會回收任何年份嘅個人護理產品塑膠容器。易賞錢會員喺5月31日前去屈臣氏任何一間分店，只要成功回收1個塑膠容器，就可以領取1個電子印花，每月最多可獲10個。

只要儲滿5個電子印花起，就可換領由屈臣氏及P&G送出嘅指定禮品，當中包括頭髮護理產品電子現金券、保濕膠囊髮膜及洗頭水等等。屈臣氏希望透過龐大嘅回收網絡加顧客回贈優惠，凝聚公眾、商界同環保回收公司，鼓勵大眾積極響應塑膠再生，一齊為環保出一分力，大家請多多支持呀。