Master's Talk│李佳芯否認與男友陳炳銓分手 自覺平庸被麥玲玲暗示入錯行?

李佳芯（Ali）、張曦雯（Kelly）和高海寧（Ling）近日接受《Master's Talk師父有請》訪問，全新一集邀請到三位美女，跟主持人林盛斌和麥玲玲大談玄學上的「主角命」。玲玲師傅指女演員一開始做主角並非易事，只有張曼玉、袁詠儀等人有這種命，而在場幾位都要經過一番努力。

{{hket:inline-image name="_DSC0910.JPG"}}{{/hket:inline-image}}

高Ling表示自己08年入行，17年才首次做主角，而Kelly稱12年入行，去年正式當上主角。Ali就由友台做主持開始，慢慢從配角做到主角，她說：「我成日覺得鮮花係需要綠葉襯托嘅，我唔介意做綠葉，當然如果有機會做花，每個人都想做花。做花嘅感覺係點？係當我做咗花，我先知原來我係花，第一部應該係《律政強人》。」身旁的Kelly笑言自己是同劇的綠葉，高Ling就說：「我都做過你嘅葉，《BB來了》同《殺手》。」而Kelly揚言選完華姐之後本來有機會拍劇，但自己沒有跟無綫簽約，選擇重返模特兒界，她說：「當時唔識諗，後來返轉頭入嚟已經太遲，冇機會拍劇，所以就做明珠台主持。」

{{hket:inline-image name="018.jpg"}}{{/hket:inline-image}}

麥玲玲提到每年台慶大合照的企位正好反映藝員的地位，影合照企邊位一定不會高興，Ali說：「我第一次入嚟一定記得，（企）最尾一行最角落，唔記得12年定13年，（感受如何？）我以前成日喺屋企睇台慶，第一次用呢個角度睇，原來後排都企到幾高喎！」Kelly華姐出身，未試過靠邊站。由第六、七行開始，去年年底首次站在第一排；而高Ling就笑稱因自己不是港姐三甲，所以是慢慢一年一年向中間和前面邁進。

{{hket:inline-image name="5d8d234304b10da4922f2bb6769eaf79.jpg"}}{{/hket:inline-image}}

麥玲玲又指高Ling和Kelly均是屬於鼻高一族，容易吸引男女的注意力，Ali則有桃花眼。麥玲玲指老公是宅男一名，他睇高Ling只看身材，又覺得Ali是鄰家女孩，而Kelly則有種距離感，予人高高在上的感覺。Ali說：「我係大眾臉，過目即忘喎！我坐喺度啲人係感受唔到我體溫呀，行過都唔覺得我存在。以前近視大眼鏡，鼻又扁，行過都唔知。升中學之後好似消失一樣，全部都係中間，無論學業成績、高度同朋友，都唔起眼，校花一定唔係我啦，人生冇乜機會做過主角！」Kelly自爆她的臉蛋化上不同妝容，就會有不同樣子。曾試過三家銀行都用她做模特兒，雖行規上是不容許，但客戶都不察覺。

（↓點擊放大睇圖片↓）

最後，三女讓麥玲玲批算牛年的運程，麥玲玲指Kelly是天合地合年，會結婚生仔或者買樓。Kelly被問到是否好事近，她即時擰擰頭，更稱千萬不要懷孕，她說：「係咪二揀一？咁我揀買樓算啦，真係冇呢個打算。」Ali被批跟另一半的關係有改變，Ali問：「身分上變化？即係一係結婚一係分開？（會唔會註個冊？）暫時兩樣都唔係，未有結又未係分，我反而期待事業上嘅突破，我有興趣搞生意……」Ali未講完，麥玲玲已經直指她沒有生意命，叫她死心，因Ali本身野心不大，是很穩定的人，不主動不進取，連做藝人都是相當另類。Ali笑言：「你咁講我真係唔應該入行？或者我係咪時候退休？」