四洲集團炮製「和便當」系列 中日台泰21款口味 日日有驚喜

疫情略見緩和，黛安同一班公關姊妹都多番event要搞，不時忙到無啖好食。黛安收到風，四洲集團同全農國際香港有限公司，為咗等打工仔喺百忙中可以享受經濟又美味嘅食物，於是聯手製作出「和便當」系列，便當款式仲多達21款，售價由$49起，好抵食！佢哋仲請咗法國菜名店創辦人Chef Eddy，精心炮製4款期間限定便當，包括$88嘅香辣鮮茄黑椒大蝦汁飯、用12小時紅酒慢煮嘅牛肋骨條飯等。

黛安聽講，和便當系列係用全日本製半自動煮米飯系統去煲飯，可以令每粒米都全面受溫，口感更佳；同時用精選嘅日本蛋，蛋味濃郁又健康。依家喺foodpanda或九龍灣Season Plus就可以訂購，新張期間喺foodpanda金鐘分店落單，更可享外送7折優惠㖭。