2004年港姐亞軍｜朱慧敏工作曾歷低潮獲王賢誌相助 讚對方好人：唔會覺得係咩二世祖

2004年港姐亞軍朱慧敏與養和醫院心臟科醫生陳良貴（Jason）於今年1月結婚，婚後兩人不時開live和觀眾見面。昨日她們就請到好友王賢誌（Vinci）一齊開live。

{{hket:inline-image name="queenie2.png"}}{{/hket:inline-image}}

朱慧敏在直播中大爆同Jason兩人之間的趣事，一路笑一路講：「舊年情人節，Vinci同聰聰（Vinci另一半周思聰）上嚟我哋屋企，我好開心咁講，Jason將我同佢一張合照print咗張黑白色送畀我，仲寫埋Happy Valentine’s day，啲字體仲cut咗一半，因為公司部機啲墨唔夠印。我好開心同聰聰講，點知佢第一句係『吓，淨係送張咁嘅嘢畀你呀？』」

Jason就話：「心意嘛，呢個夠特別，世界上搵唔到第二樣嘢一模一樣，買手袋、銀包冇乜意思。」Jason自認平日古靈精怪，朱慧敏亦指佢唔會輕易被人估到：「我哋喺屋企相處時好似演戲，好滿足到我做戲呢一方面，不過唔係扮演醫生護士。」

{{hket:inline-image name="7fa766ed-e34f-4e04-9959-18c698b510e1_600.jpg"}}{{/hket:inline-image}}

朱慧敏和王賢誌份屬好友，但原來兩人認識只有3年，但好快便已熟落。朱慧敏指Vinci份人真係好好，而Vinci亦表示認識對方後發現同新聞上所講不同，加上身同感受，故有機會便會為好友澄清，「我入行時都係，有人會用負面態度去睇我，可能覺得我有錢仔，入嚟都係玩，唔係認真做呢行。」

朱慧敏亦為好友講好說話，指他是一個知識淵博，為朋友著想的人。「最初我都唔了解你背景，唔會覺得係咩二世祖，啲人講到你好有錢，後來search先知。」朱慧敏在工作方面曾經歷反覆期，王賢誌更有伸出援手幫她：「Vinci問我係咪好鍾意做戲，我話我夢想係演戲，佢真係幫我打畀有力人士，監製、高層。約咗出到嚟好直咁講，叫人開劇搵我，仲要餐飯係佢畀。佢真係好到不得了，好多謝。」

（↓點擊放大睇圖片↓）

朱慧敏又提到有一年生日相約王賢誌去睇鄭欣宜演唱會，但那時她因病服藥後唔知醒，無覆機，王賢誌說：「到夜晚六、七點都無反應，以為佢放飛機，覺得好奇怪。以前袁偉豪住佢樓下，差啲想叫袁偉豪去搵佢。」之後兩人繼續睇演唱會，原來王賢誌一早準備咗生日蛋糕，朱慧敏大讚老友份人sweet、好關心朋友：「演唱會完咗後佢仲催我快啲行，最初以為催我入後台影相，點知係行落尖東，話趕住12點切蛋糕。」

{{hket:inline-image name="153682405_495353971868300_4534004914447922898_n.jpg"}}{{/hket:inline-image}}

39歲朱慧敏嫁陳良貴名醫圓婚 Bob媒人變「外父」拖新娘出場 【下一頁】

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress