小王子特別版八達通卡 八達通App獨家訂購

八達通繼去年推出「Le Petit Prince小王子珍藏版成人八達通卡」，風靡一眾粉絲後，黛安收到風，適逢今年係《小王子》面世75周年，八達通再次推出「Le Petit Prince小王子特別版八達通卡」，明日（23日）起至3月2日，喺八達通App可獨家訂購喇！

黛安聽公關姊妹講，今次嘅特別版八達通卡，係上個月於八達通fb舉行嘅網民投選中得票最高嘅設計，靈感源自《小王子》嘅經典語錄。公關姊妹提醒，新卡只喺八達通App獨家供八達通銀包客戶訂購，每張售$128，訂購可免郵費，卡內不設按金和儲值額。用戶可利用NFC技術嘅流動裝置，透過八達通App查閱最近40次交易紀錄，以及進行網上付款，同時可以喺認可嘅八達通增值服務供應商增值。