《愛回家》熊若水Man爆公主抱起男友龔燁 「好彩平時抱蟹籽鍛煉得多」

《愛回家之開心速遞》昨日大年初七人日一集，亦是「龔水」這對熒幕情侶放閃的一集，事緣熊若水（呂慧儀飾）在新年期間不斷食糕點，以致身型不斷膨脹！她在男友龔燁（張景淳飾）屋企發覺自己件睡衣窄到扣不到鈕，連睡褲都「爆胎」，若水決心減肥！但她用上太極端的斷食法而一度暈倒，龔燁、鐵面陳（王致狄飾) 夾手夾腳都抱佢唔起！見若水向靚仔健身教練Rex辛苦健身keep fit，龔燁決定增肥來迎她，沒想到遇上火警，增磅的龔燁一時跑不動，若水即時「大力水手」上身，將龔燁「公主抱式」抱起，又用金剛腿踢開門，救助所有被困同事，成為英雄！

《愛回家》熊若水龔燁CP未能入圍惹起民憤 高收視受歡迎 提名數量竟然大減？【下一頁】

{{hket:inline-image name="rex7.jpg"}}{{/hket:inline-image}}

劇中，呂慧儀抱起張景淳的一幕成為熱話，不少網友都認為兩人高度接近 (女方身高177cm，網友估計張景淳都有175cm)，但女方竟然力大無窮兩度抱起對方，非常厲害！

呂慧儀接受《晴報》電話訪問，她表示：「拍攝嘅時候大家都好集中精神，幕後嘅同事、龔燁好錫住我，喺彩排嘅時候都有幫我『度位』就力。到拍嘅時候，五美屏息靜氣好專心拍，我都係抱咗兩次就攪掂，拍完對手真係好似廢咗咁！哈哈！龔燁幾多磅我唔清楚，都好彩佢無話我知，如果唔係，聽到時自己都怯咗先！好彩平時抱蟹籽抱得多，叫做有鍛煉吓啦！的確呢集我真係有好多體力上嘅挑戰，亦係我好熱愛《開心速遞》嘅其中一個原因，因為每次挑戰自己嘅第一次，感覺都好好。睇番段片嗰陣都覺得『嘩！估唔到我都做到』！」呂慧儀表示自己平時都會keep fit減肥，但不會用激烈的偏方去減，多做運動和注意飲食比較重要。

(點擊圖片放大)

【龔燁意外】張景淳拍攝《愛回家》被狗咬傷 左手包紮須留醫接受手術【下一頁】

至於張景淳向《晴報》自爆第一次被女生「公主抱」，他體重70公斤（約154磅），拍之前飯都不敢食，怕加重拍檔的負擔，他說：「好開心大家鍾意呢一集，我睇番自己同鐵面陳拖走佢嗰度都笑咗出嚟！導演拍得好好又剪得好好。拍之前大家有商量、試位，拍嘅時候要用鏡頭角度去遷就。其實現場係有啲箱放喺高位，一roll機工作人員就攞走啲箱，佢即時抱起我，實際上每次抱2、3秒左右，各方面合作令到出嚟嘅效果好自然！」

心水清的「龔水」粉絲提到，原來去年大年初七人日播放的同樣是「龔水線」情節，今年第二年，在人人生日的日子帶來歡樂。而「龔水」一向是《愛回家》的收視保證，粉絲記起去年的一次宣傳活動上，大會安排張景淳「公主抱」呂慧儀，當時女方在IG上揚言如果收視滿35點，她可以調轉「王子抱」張景淳……最後雖然未達標，不過情節已經在劇情內實現！未知這一集會否令收視再創佳績，真的達到35點呢？

(點擊圖片放大)

責任編輯：楊安莉