《愛回家》單親媽媽呂慧儀6歲蟹籽畢業了 媽媽心聲:戴四方帽的感動

「長腳蟹」呂慧儀 (Konnie) 的寶貝仔「蟹籽」轉眼間幼稚園畢業，囝囝畢業對Konnie來說，無比興奮。她在網上開心Share兒子黃柏翹穿上畢業袍、戴上四方帽的合照，兩母子齊齊展露燦爛笑容。見Konnie帶埋相機，做兒子御用攝影帥，將這個值得紀念的日子記錄下來。

{{hket:inline-image name="01.jpg"}}{{/hket:inline-image}}

疫情下遲來的幼稚園畢業禮，最後都能夠順利進行。(圖片︰呂慧儀IG)

當單身媽媽不容易，Konnie母兼父職，看著兒子逐漸長大，自有一番感受：「戴四方帽的感動。感謝每位照顧『老闆』的老師們、姨姨們，還有校長和主任們，4年的時光似箭，謝謝看顧與愛護！」其實蟹籽早在9月開學，「升呢」做小一生，他的幼稚園畢業禮已經多次延期，最終11月才順利舉行，蟹籽又做回一日「K3生」。

【拍片講解牛年運程】 蘇民峰指12生肖屬龍財運No.1 屬牛犯太歲易有情緒 屬虎桃花旺 【下一頁】

{{hket:inline-image name="02.jpg"}}{{/hket:inline-image}}

呂慧儀除開工外，其餘的時間都會用來陪伴蟹籽。(圖片︰呂慧儀IG)

Konnie接受《晴報》電話訪問：「一直因為疫情關係，畢業典禮要延期，亦由聯校大型畢業典禮改為小型的校內畢業禮。」看到蟹籽由2歲讀N班到K3，她好感激學校入面照顧過兒子、教導過他的每一位，「真係有好多難忘片段，兒子第一日返學，2歲人仔就孭住小書包返學，嗰個畫面到而家都記憶猶新。當然今年畢業都好難忘，今年嘅疫情係世界問題，好多人生活都受影響，蟹籽有個戴住口罩嘅畢業典禮。」

{{hket:inline-image name="05.jpg"}}{{/hket:inline-image}}

蟹籽一天一天長大，遺傳了媽媽的高䠷身型。(圖片︰呂慧儀IG)

在疫情下，Konnie勉勵大家正面看事情，「向好方面諗，大學生都係讀完嗰個學年隔兩個月先搞畢業典禮，而家搞得成都好好啦！我同蟹籽都有喺屋企搞大食會同屋企人慶祝一下，希望佢喺小學繼續享受校園生活，開心成長。希望疫情可以快啲過去，大家嘅生活快啲回復正常，日子一定會好起來嘅！」

{{hket:inline-image name="04.jpg"}}{{/hket:inline-image}}

兩母仔經常IG放閃，呂慧儀有呢個「小情人」已經好滿足。(圖片︰呂慧儀IG)

{{hket:inline-image name="06.jpg"}}{{/hket:inline-image}}

身兼父職，面對任何困難，只要有蟹籽喺身邊打氣，所有事情都會好起來。(圖片︰呂慧儀IG)

撰文:衛紫敏

【哥哥Rafael冇呷醋】鄭嘉穎陳凱琳為細仔開火鍋百日宴 Yannick首度曝光雙眼夠圓似媽媽 【下一頁】