曾志偉首以高層身分亮相無綫團拜 「應承以後會包起茶水部」

曾志偉上月獲TVB主席許濤邀請重返無綫，擔任TVB副總經理兼行政委員會特別顧問，全面負責綜藝及資訊娛樂節目，而王祖藍獲委任為首席創意官。今日大年初一，曾志偉首次以高層身分亮相無綫新春團拜，他一身啡色西裝骨骨，與主席許濤、行政總裁李寶安等率領藝人包括陳展鵬、蔡思貝、高海寧、龔嘉欣、馮盈盈等亮相。陳山聰與郭政鴻更參與舞獅演出，非常落力。

獎門人變揸Fit人︳曾志偉大年初一現身無綫賀年騷 傳《超級無敵獎門人》做頭炮搶收視【下一頁】

{{hket:inline-image name="86be93d7-3df7-4871-97ec-f0fd84d1b26f.jpg"}}{{/hket:inline-image}}

曾志偉心情大好滿場飛，他接受訪問時表示近廿年都在美國拉斯維加斯度歲，今次回娘家感覺似新人一樣。他說：「之前年年出去賺錢，今年出嚟派錢，我好耐冇返香港，連香港冇晚飯食我都唔知。今日著西裝返嚟都唔係好慣，又唔係同汪明荃、胡楓一齊主持，有啲陌生，真係好想跳埋去一齊做。」

（↓點擊放大 睇圖片↓）

主席許濤召集│曾志偉獲欽點入無綫做副總經理 與王祖藍主攻綜藝節目創作【下一頁】

志偉搞笑自爆忘記帶辦公室鎖匙，結果摸門釘，最終到茶水部，他說：「我而家對同事飲茶的口味好清楚，仲應承以後會包起茶水部。」對於有傳他將會舉辦街舞比賽節目，正會積極籌備，自己上任幾日時間，稍後再公布工作計劃。問到是否召喚何麗全回巢，他說：「呢啲遲啲慢慢講，新年講開心事。我用6個字形容心情，『進步、團結、開心』，電視行業同觀眾關係密切，應該同一呼吸、步伐，會製作更多好節目畀市民。最希望係人人有工開，所有行業重回正軌，藝人工作多到接不完，個個爆騷！」

責任編輯：楊安莉

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress