舊日的足跡│李亞男爆2歲大女有半個爸爸咁高 王祖藍重返無綫望減少山頭文化

2月14日是王祖藍和太太李亞男的鐵婚紀念日，他們接受港台《舊日的足跡》車淑梅的訪問，提到第二胎女兒出世時的情景，祖藍笑言：「在手術室醫生竟然播《跌落凡間的天使》，聽自己嘅歌覺得怪怪哋，於是改播上次生大女時張學友嗰首《每天愛你多一些》，好多謝學友兩次都陪住我哋生BB！」問及會否生第三胎？「真係唔敢講，暫時兩個先……因為我哋計畫三年抱兩，兩年內亞男都要戒口好辛苦，佢發夢都夢到食生冷嘢同邪惡食物嘅拍拖日子。」

Gabby啜嘴喜迎妹妹│李亞男第二胎再誕女兒係大鼻妹 王祖藍：「好感恩佢唔似我」【下一頁】

{{hket:inline-image name="131457888_3536646666427229_6312354522180178419_n.jpg"}}{{/hket:inline-image}}

祖藍表示兩個女的名字有點像樓盤名稱，「2歲大女叫天韻，因為我愛音樂，佢喺媽咪懷中聽流行音樂冇反應，聽音樂劇就開始踢。我感到佢天生識音樂愛音樂，係天上嚟嘅音韻；至於細女喺疫情底下出世，外面大風大浪，佢安然成長，我叫佢海靜，亦可以紀念喺上海出世，多一層意義！」亞男笑稱自己夠高，佗BB不會太辛苦，「大女屬於高嘅群組，喺網上搜尋佢嘅身度超過三億人（標準）。佢兩歲已經有85厘米高，有爸爸一半嘞！老公正擔心個女12歲點算？我就自己每生完一胎就長高咗1厘米，而家前後高咗2厘米，老公叫我唔好生咁多個！」

(點擊圖片放大)

主席許濤召集│曾志偉獲欽點入無綫做副總經理 與王祖藍主攻綜藝節目創作【下一頁】

提到結婚六周年紀念，祖藍說：「我哋嘅傳統就係坐船或者登上高塔慶祝，今年喺上海可能會喺黃浦區遊一圈，再上高塔食晚餐。好感恩我哋嘅婚姻過得平淡而快樂，我哋每日都會講 I love you、Miss you！亞男喺睡房，我入廚房都會掛住佢，幾大件事！所有糖尿病人都要迴避呀！」

談到工作，新婚時祖藍曾拋下太太到內地拍劇三個月，令亞男情緒不穩，自此祖藍再沒接劇，只參與綜藝節目製作。但傳聞4月他會回TVB拍搞笑古裝劇，「努力計畫中，而家要去商討綜藝、戲劇節目嘅擺位，攞個平衡。」祖藍近日獲委任為TVB首席創意官，他表示當中最大考慮是要捨棄內地市場，皆因他在當地發展較成熟，他猶疑表示：「副總經理（曾志偉）一再遊說我話有機會為香港觀眾服務，要把握機會！其實我同佢一樣希望服務香港觀眾，呢個係最大心願……我希望將喺內地學到嘅知識去開創更大市場、空間。對於汪阿姐提出要減少山頭文化，包容所有人，佢早已經同我講過，而家最重要係團結公司上下。我日日都要返辦公室，我都係一名員工打份工，希望跟同事一齊分享同成長，就如婚姻一樣！」

{{hket:inline-image name="800_bc7b716a4fad7b5e8e3d9027da71b409.jpg"}}{{/hket:inline-image}}

責任編輯：楊安莉