Gabby啜嘴喜迎妹妹│李亞男第二胎再誕女兒係大鼻妹 王祖藍：「好感恩佢唔似我」

40歲的王祖藍與36歲的李亞男婚後第二個愛情結晶出生了！祖藍和亞男兩公婆分別在IG公布好消息，並上載一家四口全家幅合照，原來正是為大女王天韻（Gabby）慶祝2歲生日，沒想到今年最佳的生日禮物，就是迎來妹妹Hayley！她跟姐姐一樣是12月出世，中文名叫王海靜。

產後的李亞男容光煥發，迷你派對慶祝大女Gabby 2歲生日快樂，同時隆重歡迎新成員。

李亞男超強基因傳Gabrielle 老竇王祖藍被阿女身高愈拉愈近【下一頁】

相中Hayley戴上頭飾，安睡在媽媽的懷中，當父母和姐姐一齊啜嘴親親時，她的表情看似抗拒，非常搞笑。祖藍不忘發揮搞笑的本質，留言說「三個女人一個墟，一個男人戇居居 #Gabby生日快樂 #Hayley歡迎你」，以後一皇三后，他服侍三位女王，相信有排唔得閒！

李亞男笑言：「當我哋第一眼見到Hayley，係覺得好搞笑同神奇，因為佢同家姐個樣一模一樣，見到佢就好似見到啱啱出世嘅家姐咁，真係太似樣；唯一有一點唔同，Hayley個鼻好似仲大過家姐，係一個大鼻妹嚟，哈哈哈！好感恩佢係一個好漂亮嘅孩子，好多親友睇咗相後都讚佢好靚女！」祖藍則補充：「好感恩佢唔似我，最緊要係個樣唔好似我，似晒媽咪就可以喇！」

【拍片放閃】王祖藍當懷孕李亞男係公主咁錫 為老婆安心養胎咩家務願意做【下一頁】

記者再到李亞男，生第二胎是否沒有第一胎那麼緊張？「有咗第一次嘅經驗，又因為我係開刀，好多嘢都按照住Schedule發生，所以今次真係冇咁緊張同激動，但當然嗰種開心同奇妙嘅感覺依然非筆墨所能形容。」

祖藍於2014年11月19日在台慶上向李亞男求婚，兩人翌年2月14日情人節在九龍城浸信會教堂舉行婚禮，2018年12月17日誕下大女Gabrielle，如今細女Hayley出世，未知會否再追個仔呢？

責任編輯：楊安莉