口水多過浪花│羅子溢拍劇返港囡囡發呆唔認得 爆老婆楊茜堯愛女心切每日視像睇便便

羅子溢（前名：羅仲謙）去年11月底跟老婆楊茜堯（前名：楊怡）以「夫妻檔」齊齊北上拍攝內地劇集《家族榮耀》，無辦法之下，忍痛放下7個月大的女兒「小珍珠」羅翊心在香港，由婆婆和家人照顧。

羅子溢近日返港，昨日上商台接受鄭裕玲（Do姐）的電台節目《口水多過浪花》訪問，Do姐對他改名大感興趣，子溢說：「我哋搵師傅幫個女改名，叫翊心好好聽，不過師傅話如果一家三口改晒，就會對個女更加好，（唔怕大家唔記得？）我最緊要係個女，我同老婆有共識，當係個女送畀我哋嘅禮物，其實叫乜嘢名都冇所謂，叫番謙謙或者楊怡都可以。」

姨媽唔易做｜ 楊卓娜爆妹夫羅子溢列探B規條 「唔好同我個女玩咁埋」【下一頁】

{{hket:inline-image name="147001854_108846547891795_964371089963540959_n.jpg"}}{{/hket:inline-image}}

出道16年的羅子溢談到自己的入行經過，他笑言是典型的陪人去面試，「當年中學拍拖，女朋友仔畀人睇中去拍電視劇。我有睇《警訊》怕佢畀人呃，於是坐喺門口等佢，點知有人行過，個製片叫我拍嘢，我諗都冇諗就話好。當時我做緊救生員，最終女友唔成功，但係就有一間電影公司簽咗我。」直言初入行從沒經過訓練，後來才有機會跟羅冠蘭去學戲。

近日羅子溢參演的《陀槍師姐2021》熱播，他說堅持人物造型要留鬚，效果不錯，也很喜歡這個角色。剛剛返港的他表示未來日子兩、三個月會做全職爸爸，「拍攝工作完咗，想留番少少時間畀個女，過多一陣又要去第二度工作。太太之前同我一齊拍嘢，佢會再唞耐啲，拍戲過程佢好掛住個女，每日都好辛苦！我哋一日拍12個鐘，佢就情願一日拍14、15個鐘，想快啲拍完，快啲返香港。」兩人北上工作期間，由外母照顧女兒，每日都會facetime作親子交流，他大爆：「每日我老婆就一定要睇佢啲便便，我外母話而家電話裡全部都係便便相！因為要檢查阿女健唔健康。（會唔會唔認得你哋？）唔認得呀，我有拍低呢個情景，老婆返到香港，一入房BB嗰個反應係呆咗！可能心諗『乜水呀你兩個？』不過好彩，媽咪嗰陣味阿女好快認得出！」

（↓點擊圖片放大↓）

【囡囡小珍珠半歲】楊怡羅仲謙齊齊宣布為家人健康改名 網友嗌唔慣 到底點樣讀好？【下一頁】

Do姐問子溢會否有添丁打算？子溢說：「隨緣啦，因為翊心出世係一個緣份，我哋之前plan好幾時生BB，反而係唔成功，後來放鬆心情唔好諗，反而就有咗。」雖然要忍受相隔之苦，但子溢未有打算將工作的基地移返香港，「應該話一半一半兩頭走，香港藝人嘅機會越來越少，唔好話大陸，東南亞邊一度都應該試一試去爭取，競爭好大。」

Do姐再問他電話wallpaper是誰，子溢大方將手提電話拿出來，原來正是女兒翊心的靚樣。Do姐大讚好得意，似足子溢，「我哋當時想幫佢做支胎毛筆，所以剃光佢頭髮，希望將來留個紀念。囡囡未識行，未識叫爸爸，但已經開始有脾氣，如果我搶佢啲嘢就會叫，(咪搶佢嘢啦！）專登玩吓佢嘛！」

責任編輯：楊安莉