姨媽唔易做｜ 楊卓娜爆妹夫羅子溢列探B規條 「唔好同我個女玩咁埋」

楊卓娜拍畢新劇後，近日忙著網上直播及到電台訪問，提到妹妹楊茜堯（前名楊怡）及妹夫羅子溢（前名羅仲謙）「夫妻檔」拍攝內地劇《家族榮耀》而不在女兒「小珍珠」身邊，分隔兩地一樣「直升機家長」上身𥄫到實，極之緊張！

姨媽卓娜表示日前去探望小珍珠，親身體驗到妹夫緊張度爆燈，「我前日去探佢，屋企都落晒閘呀......唔畀我埋去，唔畀我埋去湊，而家疫情嘛！跟住羅子溢知道我上咗嚟，即刻喺電話留言……」原來他是提醒卓娜做足安全措施，「佢叫我戴番口罩.....戴番口罩......唔好同我個女玩咁埋呀！」

{{hket:inline-image name="42.jpg"}}{{/hket:inline-image}}

羅子溢和楊茜堯去年生咗女兒「小珍珠」。（圖片：楊茜堯IG)

{{hket:inline-image name="33.jpg"}}{{/hket:inline-image}}

楊卓娜日前去見「小珍珠」，當然做足安全，聽妹夫話「戴住口罩」唔准除！（圖片：楊卓娜FB)

【43歲生日】楊卓娜獲老公送驚喜感動到喊 「我呷醋以為媽咪掛住湊小珍珠」【下一頁】

身為姨媽的卓娜感到好大壓力，亦明白羅子溢何以如此緊張，「我自己都係母親，明嘅，而家疫情，換轉係我個女，我都會好緊張！」疫情下小朋友被迫逼留在家中，「我見佢哋都留喺屋企多，我個女有同小珍珠喺屋企玩過嘅……而家小朋友好慘，就算1歲都好似冇見過世界咁，小珍珠都只係喺自己屋苑範圍行吓，每日屋企人帶小珍珠出去曬太陽咁。」

至於卓娜的11歲女兒正值青春期，她安慰表示：「佢冇乜嘢反叛，反而幾獨立，思想清晰，知道自己要乜嘢，好有自己方向。」女兒可說是老公的「前世情人」，她笑謂：「梗係啦！爸爸成日話個女好可愛，不過，我唔會呷醋，我兩個都錫。」而節目中卓娜還分享了人生體驗，笑言：「我人生冇設計，冇計劃就係最好嘅計劃，所有嘢都活在當下。」

（↓點擊圖片放大↓）

撰文：衛紫敏

31歲細孖周志康無懼做嫩爸 教女切忌呼喝 打鬧隨時弄巧反拙 【下一頁】