旅發局網上新春市集 逾70個本地品牌參與

黛安收到風，旅發局為咗增添新年節日氣氛，即日起至2月26日（正月十五）會推出「香港春日市集」，一連3星期，有逾70個本地品牌共數百款產品參展，大家即使足不出戶仍可「逛市集」。

市集產品主打本地設計，當中包括售$45一盒、香港保家出品嘅老夫子限量賀年特別版口罩，款式有老夫子單人大頭、大番薯漫畫等，童年回憶番晒嚟呀。市集另一個驚喜就係有「非一般」賀年美食，好似永年士多出品嘅「龍蝦鮑魚花膠大龍鳳盆菜」，售$1,288，用足料龍蝦炮製而成，靚到要相機食先呀。另外，仲有香港四季酒店嘅「賀歲下午茶外賣」等等！

想睇下市集仲有邊啲特色產品，可以【按此】瀏覽。