黑白淡奶義賣微縮模型 捐助香港餐飲聯業慈善基金

講起香港文化，黛安即刻諗起成日飲嘅港式奶茶；而講起奶茶，當然唔少得黑白淡奶。黑白®嘅母公司菲仕蘭香港，首度同本地著名微型藝術家團隊TOMA Miniature合作，製作咗1套5款微縮模型，講述港式奶茶文化嘅淵源。呢套模型唔單止係將奶茶縮細，仲將奶茶杯變成「小小世界」，除咗有人仔「泡」喺奶茶杯中歎茶，仲有由茶杯化身嘅建築物，構建本港特色「霓虹燈招牌」靚景，睇到黛安都好心動，想買番套嚟收藏。

不過，公關姊妹話，首批180套別具玩味嘅微縮模型，早前已獲得本地飲食業界善長認購，所有款項仲會不扣除成本，全數撥捐香港餐飲聯業慈善基金，希望為業界提供適切援助。品牌依家積極籌備緊將微縮模型推出畀市民分批換購，詳情記得留意黛安之後報料喇。