東港城及Mikiki新春Pixar派對 售多款精品及玩具

黛安係PIXAR嘅粉絲，收到好姊妹報料，新鴻基商場包括將軍澳東港城及新蒲崗Mikiki，新年將舉行「PIXAR新春潮拜玩樂遊」派對，即日起推出PIXAR新春期間限定店。其中東港城限定店面積達500多呎，發售300多款PIXAR精品及玩具，包括獨家發售嘅「招財開運新春利市袋」、日本直送嘅迷你橡皮擦膠粒粒樽等。其中「PIXAR場內限定版襟章套裝」係首次集合16個唔同PIXAR嘅經典角色造型，例如《反斗奇兵》嘅胡迪與巴斯光年、小叉，《怪獸公司》嘅毛毛同大眼仔等，絕對係PIXAR迷必儲嘅珍藏品呀。