7-Eleven豐足陶瓷大碟迎新春 $339預購駱駝牌保溫瓶

7-Eleven以往同Sanrio攜手推出嘅紀念品深受歡迎，黛安知道，雙方再次聯手推出兩款全新限量Sanrio characters「豐足陶瓷大碟」，分別由Hello Kitty及布甸狗做主角，配以鯉魚及御守造型，有型又實用，啱晒新年拎個好意頭！即日起去7仔買滿$50加$68就可以換領其中一款喇。

另外，近年大家都重視本土出品，7仔預購站今期就為大家搜羅本地名牌駱駝牌新推出嘅「116花卉系列」玻璃膽真空保溫瓶，4個款分別有唔同花卉圖案，裝茶、中藥、咖啡都唔會變味，認真好使好用！

模型車迷可以留意新款Tiny城市合金車仔，分別有大家熟悉嘅12米城市脈搏塗裝九巴、電車、消防細搶救車及救護車。即日起至2月9日，去7仔預購站網頁領取產品條碼，就可以去分店付款預購！