東港城新春花市下周五開鑼 睇fb直播以筍價搶購日本蘭花

好多人都會喺農曆新年買靚年花轉下運，黛安收到風，將軍澳東港城嘅「新春花市限定店」會喺下星期五（22日）至2月11日舉行，除咗展期延長到21日之外，仲會推出各種限定優惠，今年更首次有fb直播，幫大家揀花！公關姊妹話，東港城會喺今個月28日舉行「金牛賀新春Facebook直播」，到時可透過直播以激筍折扣搶購日本殿堂級蘭花；今年花市會有人流管制，並會引入電子支付，喺場內買年貨滿指定金額，亦可透過「年花宅急便」安排送貨㖭。

「蘭花大王」楊小龍、「年花大王」賴榮春，更會攜手推介多款經典嘅蘭花及年花，當中首推12款應節蝴蝶蘭，包括5款係全新培植，例如「團團圓圓」象徵家家戶戶健康團圓；「一笑百媚」就寓意笑口常開，好景常在。

另外，The Point會員仲有特別優惠，包括150株寓意愛人雙雙對對嘅開運花「花蝶仙子」，喺今個月23日起一連3個星期六，將以$8激筍價開售，每日限定50株，會員可憑500積分率先預留，或用3,800積分換領限量150株嘅矜貴蘭花「明日之星」！