52歲的林文龍今年年頭由亞視副總裁轉任亞視子公司AMM（亞洲心動娛樂）的副總裁，專責亞視旗下網絡平台的香港業務。最近，他與打機KOL達哥（林慧韡）合作拍攝新網上直播節目《今晚有牌打》，節目日前播出首場麻雀直播大戰，請來鄧兆尊，以及不時亮相ViuTV和香港開電視節目的IG女神張沛樂（沙津）作客一齊打牌兼聊天。
豔福無邊的兆尊身邊有3位紅顏知己，分別被外界稱為「阿大」Carmen、「阿二」Cherry及新歡「阿三」陳小姐，被封「現代韋小寶」。今次上節目，林文龍和達哥當然不會放過追問他感情狀況的大好機會。
《今晚有牌打》林文龍被達哥彈IG悶蛋四宗罪 口窒窒忘記同郭可盈結婚紀念日【下一頁】
（《今晚有牌打》截圖）
（《今晚有牌打》截圖）
節目中眾人就先以酒量打開話題，鄧兆尊直指林文龍酒量差，透露兩人甚少一齊飲酒：「對上一次都係你結婚前啦，幾耐啊，十年有冇啊？有啦呵？」鄧兆尊記憶力「超強」，忘記林文龍結婚已有16年，令對方馬上反駁：「吓……十年？你啲時間過得好慢喎！」對方都不甘示弱：「我時間（管理）達人啊嘛！」眾人哄堂大笑，林文龍大讚鄧兆尊是高手。
【齊人之福】鄧兆尊為「阿三」甘願當繼父 女友爆Quota堅稱不會有「阿四」【下一頁】
（《今晚有牌打》截圖）
（《今晚有牌打》截圖）
達哥亦指對兆尊的一席話深刻：「我最記得你講：『男人去到三、四十歲嗰陣，啲時間咻一聲就過咗』，真係好有大智慧，我而家就好驚呢個情況出現。」不料，兆尊聽畢又大放厥詞，着現年33歲的達哥不用擔心：「係咩？唔會，你有排都未到啦吓話？」不知是攞景定贈慶，令達哥只能尷尬苦笑。
【開工大吉77】鄧兆尊為「桃花」苦惱靠祥嫂擋駕 爆阿媽用廿年觀察「大婆」Carmen【下一頁】
（《今晚有牌打》截圖）
達哥隨後透露好擔心自己年紀越大，自由時間越少，兆尊立刻表示：「自由嘅嘢呢，一拍拖就冇㗎啦！」此番言論馬上被林文龍反駁：「有好多人拍拖之後啲時間依然好見使。」平日分身不暇的兆尊則大感不解，沙津就解釋如果拍拖會令自己失去所有私人時間，倒不如不要拍拖。達哥隨即追問兆尊有沒有一刻是想和3個女朋友講再見，兆尊都指曾經有過這個想法，但只流於空想：「冇可能啦，唔好諗啲無謂嘢！」
兆尊見到沙津有牌都唔識碰。（《今晚有牌打》截圖）
「阿大」Carmen （前排中）、「阿二」Cherry （後排左四）和前「阿三」Claire（後排左三）。（東星娛樂）
兆尊又暗示沒有理由讓他去foul走任何一個女朋友：「做人要公平公正，唔可以立亂嚟嘅，咩都要講道理。（佢哋）要有大過犯先得，小過犯都唔得。」他又指做人要有惻隱之心，要給予對方機會。兆尊如此寛宏大量，令人不禁想起舊三奶Claire到底犯下甚麼大錯，導致兆尊要狠斷3年情。
兆尊曾帶新歡「阿三」陳小姐亮相苑瓊丹節目，有傳兩位女友呷醋不滿。（東星娛樂）
有網友又問兆尊如何將新歡「阿三」陳小姐據為己有，兆尊就卸責指事不關己，林文龍即反問：「佢自己「舂」入嚟你個馬房？好似自來貓咁「舂」咗入嚟，你就開埋門畀佢？」達哥則以「姜子牙釣魚，願者上鉤」一歇後語去概括。網友當然不滿意兆尊的回答，但兆尊只以物以類聚去解釋，不肯多談太多。
兆尊叫女朋友幫其打機，被達哥大讚厲害。（《今晚有牌打》截圖）
其後沙津食胡，兆尊因出動皇牌，但未食夠六番，而要接受懲罰。不少網民都指兆尊手牌靚，明明就快叫胡，但就讓賽予靚女沙津，故意不食胡，好有風度：「兆尊不嬲同開女人相處，讓吓賽讓吓靚女都基本」、「人品好自然牌品好」，認為兆尊沒有使出真功夫。林文龍見牌技了得的兆尊如此失策，嘲笑他「私務繁忙」：「佢都唔記得咗我哋講咗六番起，因為喺佢腦海裡面可能浮現咗好多嘢出嚟，思緒太混亂！」
【裸照風波】無綫綠葉王李嘉晉捲桃色是非 被轟公開前女友裸照 網上瘋傳【下一頁】
最後講到生育問題，兆尊就指自己不會生小朋友，皆因有好多問題要兼顧。（《今晚有牌打》截圖）
撰文：梁美賢
責任編輯：黃蘊姿