三分鐵熱度｜看低紥鐵工以為輕鬆 港男豪言做3個月賺10萬 終做1日即辭職：鐵又重又曬

職業無分貴賤，每個工種都有所需技能，同樣值得尊敬。但有一名港男卻未懂尊重他人，不但沒有一份工做得長，而且以為「地盤工冇學歷都做得」，主動追問親戚介紹他入行做地盤紮鐵，更揚言曾做過健身教練故不成問題，「捱3個月有近10萬」。結果他工作一日便辭職，大呻「鐵又重、又曬」，令家人看不過眼，直斥他心態有問題，引起網民熱議。

Facebook專頁「辦公室日報」日前刊登女讀者Nikki的投稿，事主稱家中有一名自認為「十大傑青」的哥哥，每份工作都只有三分鐘熱度，曾經從事最長日子的工作是保險，只貪其工作時間彈性，「朝朝都11、12點先起身，返一陣工就走」；而且叫家人及親戚幫襯他買保險後，便不負責任辭職，令個別親戚的保單成為沒專人跟進的「孤兒單」，

「返過文職，佢話班同事冇料；返過健身教練，佢話啲教練要做鴨先開到單；返侍應，佢話氹仔浸蛟龍，委屈自己；返保險，最初話要點樣點樣做區域經理，而家就話要同師奶阿嬸『開床單』……究竟佢係咪有妄想症呀？」

以為做紮鐵3個月輕鬆賺10萬

早前，事主哥哥聽聞做地盤紮鐵日薪過千，心動下便叫從事地盤的親戚介紹他入行；對方起初不願意，惟遭他每日致電轟炸，更揚言：

「得啦！你睇住我咪得囉，紮鐵有幾難呀？乜嘢話？好重？我之前做過健身教練㗎！幾條鐵冇問題啦！成千蚊日，我捱3個月都有接近10萬，到時先唞吓囉！」

事主待哥哥掛線後，勸說對方不要看輕地盤紮鐵的工作，明言這是一種要花時間心機學習的工種，怎料卻得到他自視過高的回應：

「嘥氣啦！地盤工，冇學歷都做得啦！手板眼見功夫！我之前唔做咋，如果唔係做到判頭啦！」

自視過高捱1日即辭職

後來，該親戚為事主哥哥安排地盤某個崗位，他即購入一對安全鞋準備開工；他先是嫌棄安全鞋的款式既老套又昂貴，後來又似有決心地表示「等我賺佢幾個月錢，到時再諗係咪做呢行啦」。結果，他上班一天便辭職，回家後更向家人大呻：

「黐線！地盤多釘到呢，著安全鞋都唔安全呀！啲鐵又重！又曬！唔鬼做啦！搵文職好過。」

事主批哥哥總看不起其他工種

事主感慨指，不論是文職、健身教練、侍應、保險，抑或地盤工作，她哥哥都將所有工種看輕，認為既容易，又不用學習，而且覺得是其他人能力不足，「佢覺得只要佢肯做，全部人都要行埋一邊」，自視過高，

「辛苦唔想做，冇問題，但係唔好乜嘢都用門外漢身分去睇唔起人，成日覺得人哋份工好易做，原來自己根本做唔掂。」

網民狠批事主哥哥心態有問題

帖文一出，隨即引起一眾網民熱議，紛紛留言斥責事主哥哥的心態不要得：

↓ 點 擊 圖 片 放 大 ↓

單親媽失業2年半見工屢被質疑 遇好HR好公司感恩獲聘：冇因為真空期而判我死刑，詳情即睇：【下一頁】

文章內容獲「辦公室日報」授權轉載。

每朝索取《晴報》：精明生活．健康家庭．開心娛樂

撰文：賴天兒