林子善認無工開靠太太撐住頭家 湊女幫老婆買M巾被讚真男人

新冠肺炎疫情肆虐，全球經濟大受影響，香港的娛樂事業幾乎完全停擺，很多演藝的台前幕後工作人員幾乎零收入。林子善去年雖然有開工拍攝劇集《超能使者》，不過始終工作量大不如前，他直言生活受到影響，不過子善都非常樂觀，並留言鼓勵大家，他表示：「好多Fans問我點解咁小（少）update。老實講真係冇嘢做，好多時喺屋企湊小乖乖，同我生活一向都唔精彩，難得今日有節目做就出個Post，年29會出街嘅節目《天天開運王》會見到我！大家要加油，雖然我哋冇工開，希望在明天。我同你一樣都喺度捱緊呀！辛苦老婆成日出錢出力幫我頂住，我哋大家要保持正能量，望疫情快啲過去。」

【我要做業主】林子善曾一度斷供賤價賣樓賺經驗 曾助兄上車 手頭物業寫太太名下【下一頁】

{{hket:inline-image name="137404321_229244265420494_2098795166367502199_n.jpg"}}{{/hket:inline-image}}

{{hket:inline-image name="133844030_744574949500196_3114136502068916578_n.jpg"}}{{/hket:inline-image}}

子善大方承認收入有影響，靠太太支撐住家庭經濟，他身邊的好友都留言支持他，為他打氣。包括許家傑、林夏薇、朱晨麗、趙希洛、陳山聰、張詩欣等等。其中林曉峰語重心腸說：「唔係日日大魚大肉，九萬幾樣野（嘢）發生先叫精彩嘅，我好有興趣睇你每日用個BB當啞嚀（鈴）嚟健身，我相信已經令你好忙。」而粉絲們都留言叫子善多多加油，非常溫暖。

子善暫時靠太太出錢出力撐住頭家，自己都沒有閒著，他背負家中照顧女兒的責任，亦會做住家男為家裡購買日常日用品。子善昨日在社交平台上載自己去藥妝店為老婆買衛生巾的短片，他笑言：「既然大家咁想知道我日常生活點樣悶法呢，我就拍片話你知，今日我老婆畀咗個任務我做，就係買嘢！到底買啲咩呢？」他在貨架上拿起一包衛生巾，然後問：「好多男人好抗拒嘅！你估我會唔會買呢？」子善開放投票，結果九成人估他會買，最終子善抱住兩包衛生巾揭盅，並超暖心說：「開估，最後當然係買啦！佢咁抵錫，買呢啲幾咁閒啫！」他更拍攝一條片段叫各位男士注意，不要買錯，因為衛生巾有很多不同的款式，相當窩心！

（↓點擊圖片放大↓）

【弄巧反拙】林子善幫囡囡戴口罩遮曬眼口鼻 遭網民狂鬧罔顧安全 隨時侷親BB【下一頁】

網友認為子善非常窩心，雖然貴為幕前的演員，但都大方為太太買衛生用品，絕對是暖男一名，而且兩公婆互相合作照顧家庭，十分貼地。祝福大家都早日捱過經濟寒冬，社會早日回復正常。子善隨後在IG表示：「希望大家明白，唔係要大家讚賞小弟，好多時我只係想大家稱讚支持多啲身邊嗰個，保持正能量，家庭就會開心好多。任何人講自己有幾好係冇用呀，最重要係你隔離嗰個覺得好唔好，我從來冇話過自己係好男人，我只想一直進步令家人同身邊嗰個生活得開心快樂健康，就係咁簡單，但講就真係好簡單，做真係好難呀，所以我咁多年都一直努力緊。」

林子善跟太太Kary 2011年開始拍拖，2017年結婚，婚後育有一女Jasmine小乖乖。小乖乖去年底正式度過她的一歲生日，由於疫情關係，子善都選擇一家三口簡單慶祝。

（↓點擊圖片放大↓）

責任編輯：楊安莉

晴報MeWe 登場，即刻follow 我地啦：
➡️ https://mewe.com/p/skypost