【疑似300蚊事主現身】嫌朋友300蚊人情太少有內幕 林子善開腔反擊網民

本來林子善與老婆董佩欣於去年4月補擺完婚宴，成件事就如童話一樣圓滿落幕，二人甜蜜快樂地生活下去。怎料事隔1年，突然有人爆出林子善為了300港元人情與朋友反面。事緣當晚擺酒之後，雖然沒有即場拆人情見到一份日報如此刺激，不過林子善拆完人情見到朋友只是封了300港元，都即時在Facebook公開暗寸對方，充滿火藥味。首先林子善話：「你畀我份人情令我永世難忘。」，惟對方多次強調不記得封了幾多人情，於是林子善繼續解釋：「我諗你一定係放錯咗錢，人情$300其實我都冇乜所謂，你冇錢我都冇所謂，我請你食飯都冇所謂，最搞笑係你Facebook inbox我話想參與我嘅婚禮，最後一個咁嘅結果，嗰下我同我老婆真係笑咗出嚟。」、「其實人情冇分多與少，做朋友手緊請你都冇所謂，講聲就得，上網搵吓去酒店人情基本畀幾多。」最後對方以不清楚酒店人情公價，又主動道歉兼提出補回差價了事。儘管最後林子善提醒朋友應刪除留言，免得失得街坊，不過件事早就被人截圖並公開。

此事引來網民激烈討論，不少網民認為林子善太小器，擺酒應該講心不講金：「人哋出席已經係一個祝福，點解要計較人地做幾多人情？」、「300蚊對你可能好微不足道，但對一啲家庭嚟講嗰300蚊可能好重要。我自己結婚請飲嘅都收過300蚊人情，但我無嫌棄過，我反而擔心佢哋會唔會因為我令今個月嘅日子好難捱。好多人擺酒拆人情嘅時候都會寫低邊個做幾多錢，呢個行為好多餘...生活環境好咪做返多少少，生活環境唔好咪封少啲囉，點解要記住呢？」；亦有人批評林子善身為公眾人物明明很在意，不斷咄咄逼人，言行間卻要裝作很大方，毫不在乎，是假惺惺的表現：「300蚊人情笑人唔係問題，最衰你又要扮唔care，又要句句有骨。如果真係有心同人傾人情唔啱數，就私下傾，點會開名寸人。」、「你無所謂會攞出黎講？話人情無分多與少、你攞出嚟講咪即系覺得唔夠多囉，要扮大方又要話人孤寒。」

{{hket:inline-image name="15.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

(《MY盛Lady》劇照)

然而，有心水清的網民見到其實那位所謂的「朋友」應該與林子善是不認識的。第1，是朋友為什麼連WhatsApp、電話號碼都沒有，要靠Facebook inbox聯絡？第2，是朋友為什麼林子善沒有主動派帖，相反要對方透過inbox表明「想參與你嘅婚禮」？所以其實那位「朋友」原本沒有在邀請之列，不過是林子善好心，當畀面自己朋友，才請他去。據悉，去年林子善擺酒本來只有由50圍，後來才加到63圍：「原本50圍咋，之後好多朋友都話嚟，所以加到63圍，冇得再加，都要同一啲想嚟嘅朋友講唔好意思。」

所以部分網民都質疑該位人兄分明玩嘢：「主動話要去，但又只畀300，呃飲呃食成分居多。想去睇明星打卡，同人炫耀見咗邊個邊個啊？做人唔好咁無恥」、「如果諗住只畀300，不如一開始就講明想去，但畀得唔多，問子善介唔介意...分分鐘講完佢唔使你畀。」、「林生最錯係識到個咁厚面皮嘅人，擺酒係請親友，冇義務請唔熟嘅人。」等。

{{hket:inline-image name="14.jpg"}}{{/hket:inline-image}}

結果昨日林子善忍不住開腔回應事件，仲搵另一位朋友拿著300港元自嘲：「今日我最紅，講笑變老棟。今日去剪頭髮咁啱遇到三萬哥。哥：『我冇飲你嗰餐照俾$300』，善：『諗住講吓笑點知玩出個水準來啫』......有人贏報料費...」，老婆就沒有解釋，只是留下一句：「懂我們的人就會明白」，反擊網民的指控。另外有幾位藝人朋友都出言幫忙，如歐陽巧瑩：「我仲好記得你死都唔收我封人情」、趙希洛：「個個都知細佬係最友善嘅人」。

{{hket:inline-image name="13.jpg"}}{{/hket:inline-image}}

▼最後估唔到疑似300港元人情事主突然再出現，搞到林子善驚到叫他不要再回應，又講笑打圓場，令件事更加撲朔迷離

{{hket:inline-image name="12.jpg"}}{{/hket:inline-image}}