YOHO MALL+MOKO新世紀廣場 購物換好意頭利市封

今年唔少商場推出嘅利市封都好靚，又富新春寓意。黛安知道，YOHO MALL就特意帶來文青風嘅「菓碩豐盈」利市封，完全配合商場剛剛開嘅YOHO Urban Farm，一套4款，分別以圓熟番茄、繽紛五彩椒、雅致蝶豆花和甜美玉米做主題，寓意新一年五穀豐收，豐碩連連。即日起至2月11日，只要即日以電子貨幣消費滿$500，就可換領1套，名額2,000套。

MOKO新世紀廣場都有一套4款嘅「春の祝福」炫彩燙金利市封，以4個象徵好意頭嘅景象，包括蝴蝶飛舞、蜜蜂竹林、孔雀開屏和錦鯉躍水做主題，即日起至2月11日供The Point會員優先預留換領，會員憑3,000分就可免費換1套喇。